ଗଂଜାମ, ହିଞ୍ଜଳିକାଟୁ ଥାନା ଅଂଚଳର ଆଡପଡା ଗ୍ରାମରେ ଆଜି ସକାଳେ ନିକଟସ୍ଥ କ୍ଷେତରୁ ପରିବା ତୋଳିବାକୁ ଯାଇଥିବା ବେଳେ ନିକଟରେ ଥିବା ବିଦ୍ଯୁତ ତାର ଛିଣ୍ଡି ପଡିବାରୁ କୋରା ବେହେରା ଦେହରେ ତାର ଲାଗି ଘଟଣାସ୍ଥଳରେ ମୃତ୍ୟୁଘଟି ଥିଲା । ବାପାଙ୍କୁ ବଂଚାଇବାକୁ ଉଦ୍ୟମ କରି ପୁଅ ତୋଫାନ ଗୁରୁତର ଆହତ ହୋଇଛି ।ତୋଫାନ୍ କୁ ପ୍ରଥମେ ଆଡପଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ପଠାଯାଇଛି । ହିଞ୍ଜିଳିକାଟୁ ଥାନା ପୁଲିସ୍ ଓ ଆଡପଡା ଫାଣ୍ଡି ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି ।
