ଝାରସୁଗୁଡ଼ା, ଝାରସୁଗୁଡ଼ା ଜିଲ୍ଲା ଲଖନପୁର ବ୍ଲକ ଅନ୍ତର୍ଗତ ଶରଧା ଗାଁ ନିକଟରେ ମହାନଦୀରେ ଡ଼ଙ୍ଗା ବୁଡ଼ି ଘଟଣାରେ ନିଖୋଜ ଆଉ ୭ ଜଣଙ୍କ ମୃତଦେହ ଆଜି ଉଦ୍ଧାର ହୋଇଛି । ମୃତକଙ୍କ ମଧ୍ୟରେ ୪ ଜଣ ମହିଳା, ୩ ଜଣ ବାଳକ ରହିଛନ୍ତି । ଏହାକୁ ମିଶାଇ ଘଟଣାରେ ମୃତ୍ୟୁ ସଂଖ୍ୟା ୮କୁ ବୃଦ୍ଧି ପାଇଛି ।
ପ୍ରକାଶ ଥାଉକି, ଶୁକ୍ରବାର ଅପରାହ୍ନରେ ଏହି ନୌକା ଦୁର୍ଘଟଣା ଘଟିଥିଲା । ଏମାନେ ଅମ୍ବାଭୋନାର ପଥରସେନିରୁ ଫେରିବା ବେଳେ ଏହି ଦୁର୍ଘଟଣା ଘଟିଥିଲା । ଏଥିରେ ଗତକାଲି ଜଣେ ମହିଳା ରାଧିକା ନିଶାଦ (୪୫)ଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ମହିଳା, ୩ ଜଣ ବାଳକଙ୍କ ସମେତ ମୋଟ୍ ୭ ଜଣ ନିଖୋଜ ଥିଲେ । ନିଖୋଜ ୭ ଜଣଙ୍କ ମୃତଦେହକୁ ଆଜି ଓଡ଼୍ରାଫ ଓ ଅଗ୍ନିଶମ ବାହିନୀ ଉଦ୍ଧାର କରିଛି । ୬ଟି ଟିମ୍ ଏହି ଉଦ୍ଧାର କାର୍ଯ୍ୟରେ ନିୟୋଜିତ ହୋଇଥିଲେ ।
