ମୈନପୁରୀ,ମୈନପୁରୀ ଜିଲ୍ଲାର ଭୋଗାଂବ ଥାନା ଅନ୍ତର୍ଗତ ୩୪ ନଂ ଜାତୀୟ ରାଜପଥର ଦ୍ଵାରିକାପୁରୀ କଟ୍ ନିକଟରେ ଏକ ଟ୍ରକ୍ ଟ୍ରାକ୍ଟରକୁ ଧକ୍କା ଦେଇଥିଲା । ଦୁର୍ଘଟଣାରେ ୪ ଜଣ ମହିଳାଙ୍କ ମୃତ୍ୟୁ ଘଟିଛି ଏବଂ ୨୪ ଜଣ ଆହତ ହୋଇଛନ୍ତି । ପୋଲିସ ଘଟଣାସ୍ଥଳରେ ପହଂଚି ଆହତ ମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତି କରାଇଛି ।
ପୋଲିସ ଅଧିକ୍ଷକ ବିନୋଦ କୁମାର କହିଛନ୍ତି ଯେ, ଦୁର୍ଘଟଣାରେ ମୃତକ ମାନେ ହେଲେ ଅବଧେଶଙ୍କ ପତ୍ନୀ ଫୁଲମତି, ଦଫେଦାରଙ୍କ ପତ୍ନୀ ରମାକାନ୍ତୀ, ରାଜେଶଙ୍କ ପତ୍ନୀ ସଞ୍ଜୟ ଦେବୀଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ଦ୍ରୌପଦୀ ଦେବୀଙ୍କ ମୃତ୍ୟୁ ଘଟିଛି । ୨୪ ଜଣ ଆହତ ହୋଇଛନ୍ତି । ଆହତ ମାନଙ୍କୁ ଡାକ୍ତରଖାନାରେ ଭର୍ତି କରାଯାଇଛି ।
