ନୂଆଦିଲ୍ଲୀ– ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟ ପାଇଁ ଶୁକ୍ରବାର ବିଜ୍ଞପ୍ତି ଜାରି ହେବ । ଏହି ପର୍ଯ୍ୟାୟରେ 12 ରାଜ୍ୟ ଏବଂ କେନ୍ଦ୍ର ଶାସିତ ଅଂଚଳର 94ଟି ସିଟରେ ମେ 7ତାରିଖରେ ଭୋଟ ହେବ । ମଧ୍ୟପ୍ରଦେଶର ବୈତୁଲ ଲୋକସଭା ସିଟରେ ବି ମେ 7ତାରିଖରେ ମତଦାନ ହେବ । ତୃତୀୟ ପର୍ଯ୍ୟାୟରେ ନିର୍ବାଚନ ପାଇଁ ନାମାଙ୍କନ ଦାଖଲର ଶେଷ ତାରିଖ ଏପ୍ରିଲ 19 ଅଟେ ।
ଏହି ପର୍ଯ୍ୟାୟରେ ଆସାମର ଚାରି, ବିହାରର 5ଟି, ଛତିଶଗଡର 7, ଦାଦରା ଓ ନଗର ହେବାଳୀ ଓ ଦାମନ ଓ ଦିଉର ସମସ୍ତ 2ଟି, ଗୋଆର ସମସ୍ତ 2ଟି, ଗୁଜରାଟର ସମସ୍ତ 26, ଜମ୍ମୁ ଏବଂ କଶ୍ମୀରର ଗୋଟିଏ, କର୍ଣ୍ଣାଟକର 14, ମହାରାଷ୍ଟ୍ରର 11, ମଧ୍ୟପ୍ରଦେଶର 8, ଉତ୍ତରପ୍ରଦେଶ 10 ଓ ପଶ୍ଚିମବଙ୍ଗର 4ଟି ସିଟରେ ମତଦାନ ହେବ ।
