ବଲାଙ୍ଗିର, ବଲାଙ୍ଗିର ଭୀମଭୋଇ ମେଡିକାଲ କଲେଜ ହପିଟାଲ ଜିଲ୍ଲା ମୁଖ୍ୟ ଡାକ୍ତରଖାନା ପରିସରରେ ୩୧ ମାର୍ଚ୍ଚ ରବିବାର ଦିନ ଅନ୍ୟ ରବିବାର ଭଳି ସହଯୋଗ ଫାଉଣ୍ଡେସନ୍ ପକ୍ଷରୁ ଅନ୍ନପୂର୍ଣ୍ଣା ଖାଦ୍ୟ ବଣ୍ଟନ ଯୋଜନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରାୟ ୪୦୦ ଜଣ ବ୍ୟକ୍ତି ଏହି କର୍ଯ୍ୟକ୍ରମରେ ଭାତ ଡାଲମା ଖାଇବାକୁ ପାଇଥିଲେ। ମେଡିକାଲରେ ଚିକିତ୍ସିତ ରୋଗୀ ଓ ତାଙ୍କର ସେବା ପାଇଁ ଥିବା ଓ ଖାଦ୍ୟ ଆବଶ୍ୟକ କରୁଥିବା ଲୋକ ଉପକୃତ ହୋଇ ଥିଲେ । ଏହି କାର୍ଯ୍ୟରେ ସହଯୋଗ କରିଥଲେ ସଞ୍ଜୟ ଅଗ୍ରୱାଲ । ତାଙ୍କ ଜନ୍ମଦିନ ପାଳନ ଅବସରରେ ଏହି କାର୍ଯ୍ୟକ୍ରମ ପାଇଁ ଅନୁଦାନ ପ୍ରଦାନ କରିଥିବା ବେଳେ କାର୍ଯ୍ୟକ୍ରମରେ ବ୍ୟଙ୍ଗ କବି ରସରାଜ ଅଚ୍ୟୁତ ପୁରୋହିତ ମୁଖ୍ୟ ଅତିଥି ଭାବେ ଓ ସମ୍ମାନିତ ଅତିଥି ଭାବେ ସମାଜସେବୀ ବିଷ୍ଣୁ ପ୍ରସାଦ କେଡିଆ ଓ ପରିବେଶ ସଂରକ୍ଷକ ଟାଙ୍ଗିଆ ଜାମ୍ କମିଟି ଅଧ୍ୟକ୍ଷ ଗୋପାଳ ହୋତା ପ୍ରମୁଖ ଯୋଗଦାନ କରି ସହଯୋଗ ଫାଉଣ୍ଡେସନ୍ର ଜନହିତକର ପଦକ୍ଷେପକୁ ପ୍ରଶଂସା କରିଛନ୍ତି । ସହଯୋଗ ଫାଉଣ୍ଡେସନ୍ ତରଫରୁ ଅତିଥିମାନଙ୍କୁ ସମ୍ବର୍ଦ୍ଧିତ କରାଯାଇଛି । କାର୍ଯ୍ୟକ୍ରମ ପାଇଁ ବିଭିନ୍ନ ସମୟରେ ସହଯୋଗ କରିଥିବା ବ୍ୟକ୍ତି ଅନୁଷ୍ଠାନ ମାନଙ୍କୁ ଫାଉଣ୍ଡେସନ ପଖ୍ୟରୁ କୃତଜ୍ଞତା ଜଣାଇ ଭୋକିଲା ଓ ଆବଶ୍ୟକ କରୁଥିବା ଲୋକଙ୍କୁ ଅନ୍ନ ଓ ରୋଟି ଯୋଗାଣ ପାଇଁ ସହଯୋଗ ଫାଉଣ୍ଡେସନ ସହିତ ମିଶି ମହତ କାର୍ଯ୍ୟ ରେ ଭାଗୀଦାର ହେବାକୁ ଅନୁରୋଧ କରାଯାଇଛି।
