ନୂଆଦିଲ୍ଲୀ, ଉପରାଷ୍ଟ୍ରପତି ଜଗଦୀପ ଧନଖଡ ଗୁରୁବାର କହିଛନ୍ତି ଯେ, ଅର୍ଥବ୍ୟବସ୍ଥା ଓ ପ୍ରଯୁକ୍ତି ବିଦ୍ୟାରେ ଭାରତର ଉଦୟ ବିଶ୍ୱଶାନ୍ତି, ସଦଭାବ ଓ ବିଶ୍ୱ ବ୍ୟବସ୍ଥା ପାଇଁ ସବୁଠୁ ବଡ ଆଶ୍ୱାସନା ଅଟେ । ସେ କହିଛନ୍ତି ଯେ, ଭାରତ ବିଶ୍ୱଶାନ୍ତି, ସ୍ଥିରତା ଓ ସଦଭାବକୁ ବଜାୟ ରଖିବା ପାଇଁ ଓ ସମାନ ବିଚାରଧାରା ବିଶିଷ୍ଟ ଦେଶକୁ ସାମିଲ କରିବା ପାଇଁ ପ୍ରତିବଦ୍ଧ ଅଟେ ।
ଧନଖଡ ଉପରାଷ୍ଟ୍ରପତି ବାସଭବନରେ ଅନ୍ତର୍ଜାତୀୟ ରଣନୀତିକ ସହଭାଗିତା କାର୍ଯ୍ୟକ୍ରମର ପ୍ରତିଯୋଗୀଙ୍କ ସହ ଆଲୋଚନା କରିବା ବେଳେ ଏହି ଟିପ୍ପଣୀ ଦେଇଛନ୍ତି । 21 ଦେଶର ଅନ୍ତର୍ଜାତୀୟ ପ୍ରତିନିଧି ଓ 8 ଭାରତୀୟ ଅଧିକାରୀଙ୍କ ଏହି ଦୁଇ ସପ୍ତାହର କାର୍ଯ୍ୟକ୍ରମର ଆୟୋଜନ ଜାତୀୟ ପ୍ରତିରକ୍ଷା କଲେଜ ଦ୍ୱାରା କରାଯାଉଛି ।
ନିଜ ସମ୍ବୋଧନରେ ଧନଖଡ କହିଛନ୍ତି ଯେ, ଭାରତ ଏବେ ସମ୍ଭାବନା ବିଶିଷ୍ଟ କିମ୍ବା ଶୋଇଥିବା ବିଶାଳକାୟ ଦେଶ ନୁହେଁ, ଯେଭଳି କିଛି ଲୋକେ ସଙ୍କେତ ଦେଇଛନ୍ତି । ସେ କହିଛନ୍ତି ଯେ, ଭାରତର ଅସାଧାରଣ ବିକାଶର କାହାଣୀ ସଂଶୟବାଦୀଙ୍କ ଠାରୁ ଉପରେ ଅଟେ, ଯାହା ଦୂରଦର୍ଶୀ ନେତୃତ୍ୱ, ସମାବେଶୀ ବିକାଶ ଓ ଅତୁଟ ଦୃଢତାର ଉଦାହରଣ ଅଟେ ।
