ଭୁବନେଶ୍ୱର- ଓଡ଼ିଶା ବଜାରକୁ ପ୍ରତ୍ୟେକ ଦିନ ପଶ୍ଚିମବଙ୍ଗରୁ ଫୁଲ ଆସୁଥିଲା ବେଳେ ଏବେ ବିଦେଶରୁ ଓଡ଼ିଶାକୁ ଫୁଲ ଆସୁଥିବାର ପରିଲକ୍ଷିତ ହୋଇଛି । ନବ ବର୍ଷରେ ଫୁଲର ଚାହିଦା ଅଧିକ ଥିବାରୁ ଥାଇଲାଣ୍ଡରୁ ୫ ପ୍ରକାରର ଫୁଲ ଆସି ଓଡ଼ିଶା ବଜାରରେ ବିକ୍ରି ହେଉଥିବା ଦେଖାଯାଇଛି । ଏହି ଫୁଲର ଚାହିଦା ଅଧିକ ରହିଛି । ନବବର୍ଷର ଶୁଭେଚ୍ଛା ଓ ଅଭିନନ୍ଦନ ଜଣାଇବା ପାଇଁ ଥାଇଲାଣ୍ଡ ଫୁଲତୋଡ଼ା ବିଶେଷ ଆକର୍ଷଣୀୟ ହୋଇଥିବାରୁ ଏହାର ଚାହିଦା ବୃଦ୍ଧି ପାଇଛି । ବିଭିନ୍ନ ଫୁଲ ଦୋକାନାରେ ଏହି ଫୁଲ କିଣିବା ପାଇଁ ପ୍ରବଳ ଭିଡ଼ ହେବାର ପରିଲକ୍ଷିତ ହୋଇଥିଲା ।
ହିନ୍ଦୁସ୍ଥାନ ସମାଚାର/ଭାନୁ
