ଚଣ୍ଡିଗଡ, ଗୁରୁଦ୍ୱାରା ନନକାନା ସାହିବରେ ଶ୍ରୀ ଗୁରୁ ନାନକଦେବ ଜୀଙ୍କ ପ୍ରକାଶ ପର୍ବ ପାଳିବାକୁ ଶିଖ ଶ୍ରଦ୍ଧାଳୁମାନେ ଶନିବାର ସକାଳେ ଅମୃତସରରୁ ପାକିସ୍ତାନ ଗସ୍ତ କରିଛନ୍ତି । ଶିରୋମଣି ଗୁରୁଦ୍ୱାରା ପ୍ରବନ୍ଧକ କମିଟିର ଅତିରିକ୍ତ ସମିତିର ସଦସ୍ୟ ଖୁସବିନ୍ଦର ସିଂହ ଭାଟିଆଙ୍କ ନେତୃତ୍ୱରେ ଏହି ଯାତ୍ରା ହୋଇଛି । ଦେଇ ଦେଶ ମଧ୍ୟରେ ଆପୋଷ ବୁଝାମଣା ମାଧ୍ୟମରେ ଏହି ଯାତ୍ରା ଅନୁଷ୍ଠିତ ହୋଇଛି ।
ଏସଜିପିସିର ସଚିବ ପ୍ରତାପ ସିଂହଙ୍କ ସୂଚନା ମୁତାବକ ଚଳିତ ବର୍ଷ ଯାତ୍ରା ପାଇଁ କମିଟି 1684 ଶ୍ରଦ୍ଧାଳୁଙ୍କ ପାଇଁ ଭିସା ମାଗିଥିଲା । କିନ୍ତୁ ପାକିସ୍ତାନ ଉଚ୍ଚାୟୁକ୍ତ କେବଳ 788 ଶ୍ରଦ୍ଧାଳୁଙ୍କୁ ପାକିସ୍ତାନ ଯିବା ପାଇଁ ଅନୁମତି ଦେଇଛନ୍ତି । ନଭେମ୍ବର 26ରେ ଏହି ତୀର୍ଥଯାତ୍ରୀ ଗୁରୁଦ୍ୱାର ନନକାନା ସାହିବ ଓ ଗୁରୁଦ୍ୱାରା ସଚ୍ଚା ସୌଦା ଶେଖୁପୁରାରେ ନତମସ୍ତକ କରିବେ ।
