ବଲାଙ୍ଗିର, ବଲାଙ୍ଗିର ଜିଲ୍ଲାର ଆଗଲପୁର ବ୍ଲକ୍ ଅନ୍ତର୍ଗତ କୁଟାସିଂହ। ଗ୍ରାମପଞ୍ଚାୟତର କଣ୍ଟାପାଲି ଗ୍ରାମ ଠାରେ କରମ ସାନି ପୁଜା ଅନୁଷ୍ଠିତ ହୋଇଯାଇଅଛି। ଏହି ପୂଜାରେ କର୍ତ୍ତା ଭାବେ ବୈଷ୍ଣବ ବିଶ୍ଵାଳ ଓ ପୂଜା କାର୍ଯକୁ ସୁରେଶ ବିଶ୍ଵାଳ ସମ୍ପାଦନା କରିଥିଲେ। ଦଶହରା ମାସର ପୂର୍ଣ୍ଣିମା ଦିନରେ ମା କରମ ସାନି ଦେବତାଙ୍କୁ ପୂଜା କରି ତାଙ୍କ ଗୁଣଗାନ କରି ଗୀତ ମାଧ୍ୟମରେ, ବାଦ୍ୟ ମାଧ୍ୟମରେ ମା ଙ୍କୁ ପୂଜା କଲେ, ମନରେ କଳ୍ପନା କରିଥିବା କଳ୍ପନା ପରିପୂର୍ଣ୍ଣ ହୁଏ ବୋଲି ବିଶ୍ବାସ ଥିବାରୁ ବୈଷ୍ଣବ ବିଶ୍ଵାଳ ଏହି ପୂଜା କରିଛନ୍ତି ଓ ତାଙ୍କ ଘରେ ମା ଙ୍କ ଆଶୀର୍ବାଦରୁ ଧନ, ଜନ,ଗୋପ ଲକ୍ଷ୍ମୀ ପରିପୂର୍ଣ୍ଣ ହୋଇ ଖୁସିରେ ଅଛନ୍ତି ବୋଲି ଜଣାଇଛନ୍ତି।
ଏହି ଉତ୍ସବରେ କୁଟାସିଂହାର ନିମାଇଁ ଦାସ, ଭୂତୁ ବେହେରା ପ୍ରମୁଖ ଗୀତ ଓ ବାଦ୍ୟ ମାଧ୍ୟମରେ ମା କରମସାନିଙ୍କ ଗୁଣ ଗାନ କରିଥିଲେ। ଏହି କାର୍ଯ୍ୟକ୍ରମରେ ବହୁତ ଭକ୍ତ ଉପସ୍ଥିତ ଥିଲେ।
