ବଲାଙ୍ଗିର , ବଲାଙ୍ଗିର ଗାୟତ୍ରୀ ପରିବାରର ବରିଷ୍ଠ ସଦସ୍ୟ ଶେଷଦେବ ପଣ୍ଡା ଙ୍କ ଗତ ରାତି ପ୍ରାୟ ବାରଟା ସମୟରେ 75 ବର୍ଷ ବୟସରେ ବଲାଙ୍ଗିର ମୁଖ୍ୟ ଚିକିତ୍ସାଲୟରେ ଚିକିତ୍ସାଧିନ ଅବସ୍ଥାରେ ପରଲୋକ ହୋଇଯାଇଚି I ସେ ବଲାଙ୍ଗିର ସ୍ୱାସ୍ଥ୍ୟ ବିଭାଗର ଚାକିରି କରି ଅବସର ନେଇଥିଲେ I ବଲାଙ୍ଗିର ଗାୟତ୍ରୀ ଶକ୍ତି ପୀଠରେ ପ୍ରତିଷ୍ଠା ଦିନରୁ ପିଠାର ସକ୍ରିୟ ସଦସ୍ଯ ରୂପେ କାର୍ଯ୍ୟ କରି ଆସୁଥିଲେ I ଗତ ଦେବୀ ନବରାତ୍ରି ପୂଜା ନବମି ଦିନ କନ୍ୟା ପୂଜନ ଦଶହରା ଦିନ ସମାପନ ପୂଜା ରେ ଯୋଗଦେଇ ଅନ୍ନ ପ୍ରସାଦ ଗ୍ରହଣ କରିଥିବା ବେଳେ ପରିଜନ ମାନେ ତାଙ୍କ ବିୟୋଗ କୁ ଶୁଣି ବିଶ୍ବାସ କରି ପାରି ନଥିଲେ I ଅବଶ୍ଯ ବାର୍ଦ୍ଧକ୍ୟ ଜନିତ ତାଙ୍କର ଅସୁସ୍ଥତା କାରଣରୁ ଔଷଧ ଗ୍ରହଣ କରୁଥିଲେ I ଆଜି ସକାଳେ ତାଙ୍କୁ ତାଙ୍କର ବ୍ରାହ୍ମଣ ପଡା ବାସଭବନ ଠାରୁ ବିଭୂତି ପଡା ଶ୍ମସାନରେ ନିଆଯାଇ ଶେଷକୃତ୍ୟ ସମାପନ ହୋଇଥିଲା l ତାଙ୍କର ବଡ଼ ପୁତ୍ର ହରିହର ପଣ୍ଡା ମୁଖାଗ୍ନି ଦେଇଥିଲେ l
