ଭୁବନେଶ୍ୱର – ଭୁବନେଶ୍ୱର ସହୀଦ ନଗର ଠାରେ ଏକ ଘରୋଇ ବସ୍ (କେଏ ୦୧ ଡି ୫୧୮୦)ସମ୍ପୂର୍ଣ୍ଣ ଜଳିଯାଇଛି । ବୁଧବାର ଅପରାହ୍ନରେ ସହୀଦନଗର ଇମ୍ଫା ପାର୍କ ନିକଟରେ ରଖାଯାଇଥିବା ଉକ୍ତ ବସ୍ ରେ ହଠାତ୍ ନିଆଁ ଲାଗି ଯାଇଥିଲା । କିଛି ସମୟ ମଧ୍ୟରେ ବସ୍ ଟି ହୁତୁ ହୁତୁ ହୋଇ ଜଳିବାକୁ ଲାଗିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁ ଲିଭାଇଥିଲେ । କେଉଁ କାରଣରୁ ବସ୍ ରେ ନିଆଁ ଲାଗିଥିଲା ତାହା ସ୍ପଷ୍ଟ ହୋଇନାହିଁ । ବସ୍ ଟି କର୍ଣ୍ଣାଟକ ନମ୍ବର ରେଜିଷ୍ଟର ହୋଇଥିବା ବେଳେ ଗତ ୩ ବର୍ଷ ଧରି ଉକ୍ତ ସ୍ଥାନରେ ପରିତ୍ୟକ୍ତ ଅବସ୍ଥାରେ ରହିଥିଲା । ତେଣୁ ଏହି ଦୁର୍ଘଟଣାରେ କେହି ମୃତାହତ ହୋଇନାହାନ୍ତି । ତେବେ ନିଆଁର ମାତ୍ରା ଅଧିକ ଥିବାରୁ ବସ୍ ନିକଟରେ ଥିବା ଘର ଗୁଡିକରେ ଧୂଆଁ ପଶିଯାଇଥିଲା । ଉକ୍ତ ଘରେ ରହୁଥିବା ଲୋକମାନେ ନିଆଁ ଘରକୁ ବ୍ୟାପିଯିବା ଭୟରେ ବାହାରକୁ ଚାଲି ଆସିଥିଲେ ।
