ପାରାଦ୍ୱୀପ- ଆଜି ସକାଳେ ନିଯୁକ୍ତି ଦାବୀରେ ଜେଏସଡବ୍ଲୁ ଅଫିସରେ ଭଙ୍ଗାରୁଜା କରିବା ମାମଲାରେ ସୋବୁ ଛାତ୍ର ସଂଗଠନର ସଭାପତି ଯୁବଜ୍ୟୋତି ସ୍ୱାଇଁ, ସଂପାଦକ ଶାରଦା ପ୍ରସନ୍ନ ବେହେରାଙ୍କ ସମତେ ମୋଟ୍୧୦ଜଣଙ୍କୁ ପାରାଦ୍ୱୀପ ପୋଲିସ ଗିରଫ କରି ସନ୍ଧ୍ୟାରେ କୁଜଙ୍ଗ କୋର୍ଟକୁ ଚାଲାଣ କରିଛି । ମାମଲାରେ ପୋଲିସ ୧୩ ଜଣ ଯୁବକଙ୍କୁ ଅଟକ ରଖି ପଚରା ଉଚୁରା କରୁଥିଲେ । ଜେଏସଡବ୍ଲୁ ଭୁବନେଶ୍ୱର ସ୍ଥିତ କାର୍ଯ୍ୟାଳୟର ଲିଗାଲ ସେଲ୍ ମୁଖ୍ୟଙ୍କ ଅଭିଯୋଗ କ୍ରମେ ପୋଲିସ ମାମଲା ରୁଜୁ କରିଥିଲେ । କମ୍ପାନୀର କ୍ଷତି କେତେ ହୋଇଛି ତାର ହିସାବ କମ୍ପାନୀ କରୁଥିଲା ବେଳେ ସୁରକ୍ଷା ଦୃଷ୍ଟିରୁ କମ୍ପାନୀର ଅଫିସ ଓ କର୍ମଚାରୀଙ୍କର ସୁରକ୍ଷା ବ୍ୟବସ୍ଥା ଉପରେ ପୋଲିସ ଦୃଷ୍ଟି ଦେଇଛି ।
