ଭୁବନେଶ୍ୱର, ନୂଆପଡା ଜିଲ୍ଲା ସିନାପାଲି ଥାନା ଅନ୍ତର୍ଗତ ହାତିବନ୍ଧା ଗାଁ ନିକଟରେ ଗଞ୍ଜେଇ ଚାଲାଣ ବେଳେ ମାଡିବସିଛି ଅବକାରୀ ବିଭାଗ । ଅବକାରୀ ଟିମ୍ ୩୫ କିଲୋଗ୍ରାମ ଗଞ୍ଜେଇ ଜବତ କରିଥିବା ବେଳେ ୫ଜଣ ମହିଳାଙ୍କୁ ଗିରଫ କରିଛି । ସମସ୍ତ ମହିଳା ମଧ୍ୟପ୍ରଦେଶର ବୋଲି ଜଣାପଡିଛି ।
ବିଶ୍ୱସ୍ତ ସୂତ୍ରରୁ ଖବର ପାଇ ସିନାପାଲି ଅବକାରୀ ଥାନା ଅଧିକାରୀ ସଚଲା ପାଢୀ ଆଜି ଭୋରରୁ ଅପରେସନ ଆରମ୍ଭ କରିଥିଲେ । ହାତିବନ୍ଧା ଗାଁରେ ଚଢାଉ କରି ବିପୁଳ ପରିମାଣର ଗଞ୍ଜେଇ ଜବତ କରିବା ସହ ୫ଜଣ ମହିଳାଙ୍କୁ ଗିରଫ କରିଥିଲେ । ଏନେଇ ସିନାପାଲି ଅବକାରୀ ଥାନାରେ ମାମଲା ରୁଜୁ କରାଯାଇ ସେମାନଙ୍କୁ କୋର୍ଟ ଚାଲାଣ କରାଯାଇଛି ।
