କନ୍ଧମାଳ, ସେପ୍ଟେମ୍ବର ମାସ ୨ ତାରିଖରୁ ୪ ତାରିଖ ମଧ୍ୟରେ ଝାଡ଼ଖଣ୍ଡର ରାଞ୍ଚି ଠାରେ ବିର୍ସା ମୁଣ୍ଡା ସ୍ମାରକୀ ୧୪ ତମ ଓପନ ଜାତୀୟ ସ୍ତର ତାଇକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏହି ପ୍ରତିଯୋଗିତାରେ କନ୍ଧମାଳ ଜିଲ୍ଲା ତାଇକୋଣ୍ଡୋ ସଂଘ ତରଫରୁ ୮ ଜଣ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ସେଥି ମଧ୍ୟରୁ ଫୁଲବାଣୀ ମାର୍ଶାଲ ଆର୍ଟ ଏକାଡେମୀର ଛାତ୍ରୀ ସବ ଜୁନିଅର ବାଳିକା ବିଭାଗରୁ ଅଣ୍ଡର ୪୧ କିଗ୍ରା ବର୍ଗରେ ଶ୍ରେଷ୍ଠା ବେହରା ରୌପ୍ୟ ପଦକ ଓ ବାଳକ ବିଭାଗରୁ ଅଣ୍ଡର ୩୫ କିଗ୍ରା ବର୍ଗ ମଧ୍ୟରେ ଅମିତ କୁମାର ସାହୁ କାଂସ୍ୟ ପଦକ ହାସଲ କରିଛନ୍ତି।
ଅନୁଷ୍ଠାନର ଖେଳାଳି ମାନେ ତଥା ଅଭିଭାବକ ଓ ଫୁଲବାଣୀ ମାର୍ଶାଲ ଆର୍ଟ ଏକାଡେମୀର ମୁଖ୍ୟ ପ୍ରଭାତ କୁମାର ସାହୁ ଏବଂ ପ୍ରଶିକ୍ଷକ ରମାକାନ୍ତ ବେହେରା, ପ୍ରିତମ ଚନ୍ଦ୍ର ପ୍ରଧାନ ଓ ମଦନ ଦଳବେହେରା, ଜିଲ୍ଲା ସଂଘ ର ସଭାପତି ପ୍ରତାପ କୁମାର ମୁଖୀ ଏବଂ ରାଜ୍ୟ ସଂଘ ର ସମ୍ପାଦକ ମନମୋହନ ଭଞ୍ଜ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି ।
