ଭଦ୍ରକ – ଇତିମଧ୍ୟରେ ଫକୀରମୋହନ ଆନ୍ତଃ ମହାବିଦ୍ୟାଳୟର ୨୦ତମ କ୍ରୀଡା ପ୍ରତିଯୋଗିତାରେ ଭଦ୍ରକ ଚରମ୍ପା ମହାବିଦ୍ୟାଳୟର ଯୁକ୍ତ ତିନି ତୃତୀୟ ବର୍ଷର ଛାତ୍ରୀ ରାଜେଶ୍ୱରୀ ୩ଟି ସ୍ୱର୍ଣ୍ଣ ପଦକ ହାସଲ କରିଛନ୍ତି । ଏହି କ୍ରୀଡା ପ୍ରତିଯୋଗିତା ବାଲିଆପାଳ ଶାରୀରିକ ପ୍ରଶିକ୍ଷଣ ମହାବିଦ୍ୟାଳୟ ଠାରେ ଅନୁଷ୍ଠିତ ହୋଇଥିଲା । ରାଜେଶ୍ୱରୀ ଦୁଇବର୍ଷ ଜାତୀୟ ବିଶ୍ୱବିଦ୍ୟାଳୟ ପ୍ରତିଯୋଗିତରେ ଫକୀରମୋହନ ବିଶ୍ୱବିଦ୍ୟାଳୟ ପକ୍ଷରୁ ପ୍ରତିନିଧିତ୍ୱ କରିଥିବାରୁ ପ୍ରାରମ୍ଭରେ ସମସ୍ତ ମହାବିଦ୍ୟାଳୟର କ୍ରୀଡା ପ୍ରତିଯୋଗୀମାନଙ୍କୁ ଶପଥପାଠ କରାଇଥିଲେ । ଏହାପରେ ସେ ଲଙ୍ଗ ଜଂପ୍, ୧୦୦ ଓ ୨୦୦ ମିଟର ଦୌଡ ପ୍ରତିଯୋଗିତାରେ ଅଂଶଗ୍ରହଣ କରି ପ୍ରଥମ ସ୍ଥାନ ପାଇ ୩ଟି ସ୍ୱର୍ଣ୍ଣ ପଦକ ହାତେଇଥିଲେ । ଏହି ସଫଳତା ପାଇଁ ଫକୀର ମୋହନ ବିଶ୍ୱ ବିଦ୍ୟାଳୟର କ୍ରୀଡା ସଂପାଦକ ଭାସ୍କର ଚନ୍ଦ୍ର ବାରିକ ୩ଟି ସ୍ୱର୍ଣ୍ଣ ପଦକ, ପ୍ରମାଣପତ୍ର ଓ ପୁଷ୍ପଗୁଚ୍ଛ ଦେଇ ସମ୍ମାନିତ କରିଥିଲେ । ତାଙ୍କର ଏହି ସଫଳତା ପାଇଁ ଚରମ୍ପା ମହାବିଦ୍ୟାଳୟର ମୁଖ୍ୟ ଅଧ୍ୟାପକ ବ୍ରଜ ବଳ ଏବଂ ଅନ୍ୟ ଅଧ୍ୟାପକ-ଅଧ୍ୟାପିକାମାନେ ଶୁଭେଚ୍ଛା ଜଣାଇଛନ୍ତି ।
