କୋରେଇ- ପାଣିକୋଇଲି ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥର ଥାନାର ଅନତୀଦୂର କାଜିପାଟଣା ଗ୍ରାମ ନିକଟରେ ସୋମବାର ରାତ୍ରୀ ବେଳେ ବନ୍ଦ ରାଜପଥରେ ଏକ ବାଇକ ଅରୋହୀ ଭାରସାମ୍ୟ ହରାଇ ରାସ୍ତା ଡିଭାଇଡରେ ପିଟି ହେବାରୁ ଚାଳକ ଗୁରୁତର ଆହତ ହୋଇଛି । ଘଟଣାସ୍ଥଳେ ଆମେ ବିପଦର ସାଥି ପହଂଚି ପୁଲିସକୁ ଖବର ଦେବା ସହ ଆମ୍ବୁଲାନ୍ସ ଆସିବା ବିଳମ୍ବ ହେବାରୁ ଥାନାଧିକାରୀ ଅଜୟ କୁମାର ଜେନା ଥାନା ଗାଡିରେ ତାକୁ ଯାଜପୁର ମୁଖ୍ୟ ଚିକିସôାଳୟକୁ ପଠାଇଛନ୍ତି । ପ୍ରକାଶଯେ ଯାଜପୁର ସଦର ଥାନା ଅନ୍ତର୍ଗତ ମାଳଆନ୍ଦପୁର ନିକଟସ୍ଥ ଟିପରା ଗୋପନଗର ଗ୍ରାମର ମହେଶ୍ୱର ସାହୁଙ୍କ ପୁଅ ଅଜୟ ଏକ ବାଇକ ଯୋଗେ ଘରକୁ ଫେରୁଥିବା ବେଳେ କାଜିପାଟଣା ନିକଟରେ ଭାରସାମ୍ୟ ହରାଇ ଡିଭାଇଡରରେ ପିଟିହୋଇ ରାସ୍ତା ମଝିରେ ଗୁରୁତର ଆହତ ହୋଇ ପଡିଥିଲେ । ଆମେ ବିପଦର ସାଥି ସଦସ୍ୟ ଖବର ପାଇ ତୁରନ୍ତ ଘଟଣାସ୍ଥଳେ ପହଂଚି ତାକୁ ଉଦ୍ଧାର କରିବା ସହ ପୁଲିସ ସହାୟତାରେ ଯାଜପୁର ମୁଖ୍ୟ ଚିକସôାଳୟକୁ ପଠାଇଥିଲେ । ପୁଲିସ ଦୁର୍ଘଟଣାଗସ୍ତ ବାଇକଟିକୁ ଜବତ କରିଛି ।
