ହରିଚନ୍ଦନପୁର – କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଭଗାମୁଣ୍ଡା ଠାରେ ଗୁରୁବାର ଏକ ମେଗା ସିଲ୍କପାର୍କର ଶୁଭ ଉଦଘାଟନ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରାଜ୍ୟ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ପଦ୍ମିନୀ ଦିଆନ ଯୋଗଦେଇ ଥିବା ସହ ସମ୍ମାନିତ ଅତିଥି ଭାବେ ବୈଷୟିକ ଓ ଦକ୍ଷତା ବିକାଶ ମନ୍ତ୍ରୀ ପ୍ରେମାନନ୍ଦ ନାଏକ ଓ ଜିଲ୍ଲାପାଳ ଆଶିଷ ଠାକରେ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବିଭାଗର ବହୁ ବରିଷ୍ଠ ଅଧିକାରୀଙ୍କ ସହ ଅଞ୍ଚଳର ଜନସାଧାରଣ ଉପସ୍ଥିତ ରହିଥିଲେ । ଭଗାମୁଣ୍ଡା ଟସର ସୋସାଇଟିର ଭଲ କାମ ପାଇଁ ରାଜ୍ୟ ଓ ଜାତୀୟ ସ୍ତର଼ରେ ପୁରସ୍କୃତ ହୋଇଛି । ଏହି ଅଞ୍ଚଳର ଆଦିବାସୀ ଲୋକମାନେ ଟସର ଚାଷ କରି ବେଶ୍ ଦୁଇ ପଇସା ରୋଜଗାରକ୍ଷମ ହେବା ସହ ଅଞ୍ଚଳର ବହୁ ମହିଳାମାନେ ଆତ୍ମନିଯୁକ୍ତି ପାଇଛନ୍ତି ।
