ଭଦ୍ରକ – ଏକତରଫା ପ୍ରେମରେ ବିଫଳ ହେବାରୁ ପ୍ରତିଶୋଧ ପରାୟଣ ହୋଇ ପ୍ରେମିକା ଓ ତାଙ୍କ ପିତାଙ୍କୁ ମରଣାନ୍ତକ ଆକ୍ରମଣ କରି ଫେରାର ଥିବା ଅଭିଯୁକ୍ତ ପ୍ରେମିକକୁ ଆଜି ବନ୍ତ ପୁଲିସ୍ ଗିରଫ କରିଛି । ଏଠାରେ ସୂଚନାଯୋଗ୍ୟ ଗତ ୩୦ ତାରିଖ ଦିନ ଏହି ଥାନା ଅଧୀନସ୍ଥ ଡାଳିମ୍ବଗଡିଆ ଛକ ନିକଟରେ ଅଭିଯୁକ୍ତ ପ୍ରେମିକ ରାଜାରାମ ନାୟକ ଏକ ଧାରୁଆ ଭୁଜାଲି ଦ୍ୱାରା ପ୍ରେମିକା ଓ ତାର ପିତାଙ୍କୁ ମରଣାନ୍ତକ ଆକ୍ରମଣ କରିଥିଲା । ପରେ ସେମାନଙ୍କୁ ଗୁରୁତର ଅବସ୍ଥାରେ ପ୍ରଥମେ ଭଦ୍ରକ ଓ ପରେ କଟକ ସ୍ଥାନାନ୍ତର କରାଯାଇଥିଲା । ତେବେ ଏହି ଘଟଣାରେ ଫେରାର ପ୍ରେମିକକୁ ଗିରଫ କରିବା ଦିଗରେ ସ୍ଥାନୀୟ ପୁଲିସ୍ ପାଇଁ ଏକ ବଡ ଚ୍ୟାଲେଞ୍ଜ ହୋଇଥିଲା । ମାତ୍ର ପୁଲିସ୍ ଅଭିଯୁକ୍ତକୁ ଧରିବା ପାଇଁ ଚାରିଆଡେ ଜାଲ ବିଛାଇବା ପରେ ଆଜି ଚରମ୍ପା ଅଂଚଳରୁ ଧରିବାରେ ସଫଳ ହୋଇଛି । ଗିରଫ ଯୁବକର ଘର ପୁରୁଣାବଜାର ଥାନା ବାଲିପାଟଣା ଅଂଚଳର ହୋଇଥିବାବେଳେ ଆଜି ତାକୁ କେଶ୍ ନଂ ୧୫୯/୧୯ ମୂଳେ କୋର୍ଟ ଚାଲାଣ କରାଯାଇଛି ।
