କିଛି ଦିନ ପରେ ମହାପ୍ରଭୁଙ୍କ ରଥଯାତ୍ରା ଅନୁଷ୍ଠିତ ହେବ। ରଥଯାତ୍ରା ରେ ଭକ୍ତଙ୍କ ଦର୍ଶନ ଠାରୁ ଶୃଙ୍ଖଳିତ ଯାତ୍ରା ପାଇଁ ସେଣ୍ଟ ଜୋନ ଆମ୍ବୁଲାନ୍ସ ପୁରୀ ଜିଲ୍ଲା ପକ୍ଷରୁ ଲକ୍ଷଲକ୍ଷ ଭକ୍ତ-ପର୍ଯ୍ୟଟକଙ୍କୁ ଆବଶ୍ୟକୀୟ ସ୍ବାସ୍ଥ୍ୟ ଓ ଜଳସେବା ଯୋଗାଇଦେବ ବୋଲି କହିଛନ୍ତି ଅନୁଷ୍ଠାନ ର ଅଧ୍ୟକ୍ଷ ତଥା ଜିଲ୍ଲାପାଳ ସମର୍ଥ ବର୍ମା। ପୁରୀ ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟ ସମ୍ମିଳନୀ କକ୍ଷରେ ଆମ୍ବୁଲାନ୍ସ ର ତିନିଦିନିଆ ଆଶୁ ଚିକିତ୍ସା ପ୍ରଶିକ୍ଷଣ ଶିବିର କୁ ଉଦଘାଟନ କରି ଶ୍ରୀବର୍ମା, ରଥଯାତ୍ରା ଗ୍ରୀନ କରିଡରରେ ସେଣ୍ଟ ଜନ୍ ର ତାଲିମ ପ୍ରାପ୍ତ ସ୍ବେଚ୍ଛାସେବୀମାନେ ଦକ୍ଷତା ଓ ଶୃଙ୍ଖଳା ର ସହ କାର୍ଯ୍ୟ କରିବେ ବୋଲି ଆହ୍ୱାନ ଦେଇଥିଲେ। ଅନୁଷ୍ଠାନ ର ଉପଦେଷ୍ଟା ବଦ୍ରି ମିଶ୍ରଙ୍କ ସଭାପତିତ୍ବ ଓ ଜିଲ୍ଲା ର ଯୁଗ୍ମ ସଂପାଦକ ମଧୁସୂଦନ ମିଶ୍ରଙ୍କ ପରିଚାଳନା ରେ ଅନୁଷ୍ଠିତ ଏହି ତାଲିମ ଶିବିର ରେ ମୁଖ୍ୟବକ୍ତା ଭାବେ ଯୋଗଦେଇ ପୁରୀ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ସୁଜାତା ମିଶ୍ର,ଚଳିତ ଗ୍ରୀଷ୍ମ ପ୍ରବାହ କୁ ଆଖି ଆଗରେ ରଖି , ସ୍ବେଛାସେବୀମାନେ ଅଚେତ ଓ ଆହାତ ଭକ୍ତଗଣଙ୍କ ଜୀବନ ସୁରକ୍ଷା ପାଇଁ ସେବା ସମର୍ପଣ ଭାବନା ସହ ଆଗେଇ ଆସିବାକୁ ପରାମର୍ଶ ଦେଇଥିଲେ। ଏଥିରେ ସମ୍ମାନିତ ଅତିଥି ଭାବେ ଜଳସେଚନ ବିଭାଗର ଇଂଜିନିୟର ତଥା ବିଶିଷ୍ଟ ଜଳକ୍ରୀଡାବିତ୍ ରତ୍ନାକର ଦଳାଇ, ଜଳଯୋଗାଣ ବିଭାଗ ର ଇଂଜିନିୟର ଭବାନୀ ମହାନ୍ତି,ଏଡିଏମ୍ଓ ପ୍ରଣୟ ପ୍ରକାଶ ଦାସ, ଜିଲ୍ଲା ଜରୁରୀକାଳୀନ ଅଧିକାରୀ ଜୀତେନ୍ଦ୍ର ପାତ୍ର, ଚିକିତ୍ସା ଅଧିକାରୀ ବିରଜା ଶଂକର ରଥ, ନେହେରୁ ଯୁବ କେନ୍ଦ୍ର ସଂଯୋଜକ ଜୟଶଂକର ଯୋଶୀ, ଡାକ୍ତର ଦେବ ଦାସ, ହୋଟେଲ ଆସୋସିଏସନ୍ ର ରାଜକିଶୋର ପାତ୍ର, ବିଭୁପ୍ରସାଦ ସାହୁ, ଗୌରହରି ପ୍ରଧାନ,ଚକ୍ରଧର ମହାପାତ୍ର,ମନୋଜ ରଥ ଯୋଗଦେଇ ଫାଷ୍ଟ ଏଡ୍ ଟ୍ରେନିଂ ର ଆବଶ୍ୟକତା ଉପରେ ମତବ୍ୟକ୍ତ କରିଥିଲେ। ପରେପରେ ପ୍ରଶିକ୍ଷକ ବିକାଶ ପ୍ରସାଦ, ଡକ୍ଟର ପବିତ୍ର ପ୍ରଧାନ,ଅମିତ୍ ଦାସ,ପ୍ରଶିକ୍ଷିକା ନମିତା ପଟ୍ଟନାୟକ ଓ ଜୟନ୍ତୀ ମହାପାତ୍ର,୯୬ ଜଣ ଯୁବକଯୁବତୀଙ୍କୁ ତାଲିମ ପ୍ରଦାନ କରିଥିଲେ। ଚଳିତ ବର୍ଷ ବିଶ୍ୱ ପ୍ରସିଦ୍ଧ ରଥଯାତ୍ରା ଠାରୁ ଆରମ୍ଭ କରି ନୀଳାଦ୍ରି ବିଜେ ପର୍ଯ୍ୟନ୍ତ ମହାପ୍ରଭୁଙ୍କୁ ଦର୍ଶନ କରିବାକୁ ଆସୁଥିବା ଭକ୍ତଙ୍କୁ ସେବା ଯୋଗାଇଦେବେ ସେଣ୍ଟ ଜୋନ ଆମ୍ବୁଲାନ୍ସ ର ସ୍ୱେଚ୍ଛାସେବୀ ମାନେ।ଏଥିସହ ରଥଯାତ୍ରା ସମୟରେ ବଡ଼ଦାଣ୍ଡରେ ଆମ୍ବୁଲାନ୍ସ କିପରି ଯାତାୟତ କରିବ ସେ ନେଇ ଗ୍ରୀନ କରିଡର ପାଇଁ ମଧ୍ୟ ଏହି ପ୍ରଶିକ୍ଷଣ ଦିଆଯାଇଛି । ଏହାବ୍ୟତୀତ ରଥଯାତ୍ରା ସମୟରେ ଅଘଟଣ ରୋକିବା, ଅସୁରକ୍ଷିତ କୋଠାରୁ ଫସି ରହିଥିବା ଲୋକଙ୍କୁ ଉଦ୍ଧାର କରିବା , ବିଶେଷକରି ଗୁଣ୍ଡିଚା ମନ୍ଦିର ନିକଟ ବଡ଼ଦାଣ୍ଡ ରେ ପ୍ରତିଦିନ ଜନସେବା ଦେବାପାଇଁ ନିଷ୍ପତ୍ତି ହୋଇଛି।ମିଶନ ଓଡ଼ିଶା, ରୋଟାରୀ କ୍ଲବ, ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟ ଓ ଜିଲ୍ଲା ପ୍ରଶାସନର ସହଯୋଗ ରେ ଅନୁଷ୍ଠିତ ଏହି କାର୍ଯ୍ୟକ୍ରମ ପରିଚାଳନା ରେ ଶାଶ୍ଵତ ମହାନ୍ତି, ଦେବରାଜ ସାହୁ, କେଦାରନାଥ ମହାପାତ୍ର,ଲାଲା ଅନନ୍ତ ସିଂ , ରଶ୍ମିତା ଦାସ ମହାପାତ୍ର, ଦିଲ୍ଲୀପ ନନ୍ଦ, ପ୍ରିୟଙ୍କା ମହାପାତ୍ର ଓ ଜି ବାପି, ଅଜୟ ପ୍ରଧାନ, ରମାକାନ୍ତ ଜେନା, ବିଶ୍ବଜିତ ଲେଙ୍କା, ପ୍ରୟାଶ ମହାପାତ୍ର ପ୍ରମୁଖ ସହଯୋଗ କରିଥିଲେ। ଆସନ୍ତାକାଲି ଅପରାହ୍ନ ରେ ସେଣ୍ଟ ଜନ୍ ଆମ୍ବୁଲାନ୍ସ ର ରାଜ୍ୟ ସଂପାଦକ ଏହି ତାଲିମ ଶିବିର ରେ ଉଦବୋଧନ ଦେବାର କାର୍ଯ୍ୟକ୍ରମ ଥିବାବେଳେ, ଆସନ୍ତା ୧୪ ତାରିଖର ଉଦଯାପନ ଶିବିର ରେ ଜିଲ୍ଲା ଆରକ୍ଷୀ ଅଧିକ୍ଷକ ଯୋଗଦାନ କରିବେ ବୋଲି ଯୁଗ୍ମ ସଂପାଦକ ମଧୁସୂଦନ ମିଶ୍ର ଜଣାଇଛନ୍ତି।
