ସାନଖେମୁଣ୍ଡି: ପାଟପୁର ଥାନା T. ଗୋବିନ୍ଦପୁର ପଂଚାୟତ ଅନ୍ତର୍ଗତ ଉଷ୍ମପ୍ରସବଣ ତପ୍ତପାଣି ପର୍ଯ୍ୟଟନ ସ୍ଥଳରେ ଏକ ଅଘଟଣ କ୍ରମରେ ଘାଟି ଖସୁଥିବା ଏକ ପିକନିକ ବସ୍ ଓ ଘାଟି ଚଢୁଥିବା ଏକ ବାଇକକୁ ଧକ୍କା ଦେଇ ଭାରସ୍ୟମ ହରାଇ ଦୁର୍ଘଟଣା ଗ୍ରସ୍ତ ହୋଇଅଛି। ବସ୍ ଧକ୍କାରେ ମୋହନା ଥାନା ଅନ୍ତର୍ଗତ ଘାସିଆମ୍ବର ଜନୈକ ବ୍ୟକ୍ତିଙ୍କ ଘଟଣା ସ୍ଥଳରେ ମୃତ୍ୟ ହୋଇଥିବା ବେଳେ ଭାରସ୍ୟମ ହରାଇ ଘାଟି ତଳକୁ ଆସିଥିବା ପିକନିକ ବସରେ ଥିବା ୧୫ରୁ ଅଧିକ ଯାତ୍ରୀ ଗୁରୁତର ହୋଇଥିବା ସୂଚନା ମିଲିଅଛି।
ଘଟଣା କ୍ରମରେ ନୟାଗଡ଼ ଅଂଚଳରୁ ପିକନିକ ସାରି ତପ୍ତପାଣି ଘାଟିରୁ ଗଡୁଥିବା OD25 B 1999 ବସ୍ ତପ୍ତପାଣି ସନ୍ନିକର୍ତ ହନୁମାନ ମନ୍ଦିର ଘାଟି ବୁଲାଣି ଖସୁଥିବା ବେଳେ ପାନ୍ତ ନିବାସ ପଟୁ ଆସୁଥିବା ବାଇକକୁ ଧକ୍କା ଦେଇଥିଲା। ଡ୍ରାଇଭର ଭାରସ୍ୟମ ହରାଇବାରୁ ଘାଟି ପାର୍ଶ୍ଵରେ ଓଲଟି ପଡିଥିଲା। ସ୍ଥାନୀୟ ଲୋକଙ୍କ ଦ୍ୱାରା ଆହତଙ୍କୁ ଉଦ୍ଧାର ସମୟରେ ସାନଖେମୁଣ୍ଡି ଅଗ୍ନିଶମ ବିଭାଗ ଓ ପାଟପୁର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଖବର ଲେଖା ସୁଦ୍ଧା ୧୫ରୁ ଅଧିକ ଆହତଙ୍କୁ ଦିଗପହଣ୍ଡି ମେଡିକାଲରେ ଚିକିତ୍ସା କରାଯାଉଥିବା ବେଳେ ୫ରୁ ଅଧିକ ଗୁରୁତରଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନତାର କରାଯାଇଅଛି। ମୃତ ଓ ଆହତଙ୍କୁ ପ୍ରକୃତ ଖବର ମିଳିନଥିବା, ପାଟପୁର ଥାନାଧିକାରୀ ସଦଳବଳେ ଘଟଣା ସ୍ଥଳରେ ରହି ଅନୁଧ୍ୟାନ କରୁଥିବା ଥାନା ପକ୍ଷରୁ ସୂଚନା ମିଳିଅଛି।
ରିପୋର୍ଟ: ପ୍ରଫୁଲ୍ଲ ସାବତ।
