![](https://indokalingtimes.com/wp-content/uploads/2019/12/river.jpg)
ଧର୍ମଶାଳା – ଯାଜପୁର ସଦର ଥାନା ଅନ୍ତର୍ଗତ ସାନସୁଜନପୁରସ୍ଥ ତଣ୍ଡିଘାଇଠାରେ ଅଘଟଣ । ଖରସ୍ରୋତା ନଦୀରେ ଆଜି ଅପରାହ୍ନରେ ଗାଧୋଉଥିବା ସମୟରେ ଜଣେ ଛାତ୍ରୀ ନିଖୋଜ ହୋଇଯାଇଥିବା ଜଣାପଡିଛି । ନିଖୋଜ ଛାତ୍ରୀ ଜଣକ ହେଲେ ଏହି ଥାନା ଅନ୍ତର୍ଗତ ଏରବାଙ୍କ ପଂଚାୟତ ସାନସୁଜନପୁର ଗ୍ରାମର କଲିମଉଦ୍ଧିନଙ୍କ ଝିଅ ସାଇତା ବେଗମ୍(୧୪)ବୋଲି ଜଣାପଡିଛି । ସମ୍ପର୍କୀୟ ବନ୍ଧୁମାନଙ୍କ ସହିତ ଗାଧୋଉଥିବା ସମୟରେ ପ୍ରଖର ସ୍ରୋତରେ ନିଖୋଜ ହୋଇଯାଇଥିଲେ । ଖବର ପାଇ ବରୀ ଅଗ୍ନୀଶମ ବିଭାଗ ଘଟଣାସ୍ଥଳରେ ପଂହଚି ଖୋଜାଖୋଜି କରିଥିଲେ । ହେଲେ ତାଙ୍କର କୌଣସି ସନ୍ଧାନ ପାଇ ନ ଥିଲେ । ଶେଷରେ ନିରାଶ ହୋଇ ଫେରିଯାଇଥିବା ଜଣାପଡିଛି । ରିପୋର୍ଟ ଲେଖା ହେବା ଯାଏ ଉକ୍ତ ନିଖୋଜ ଛାତ୍ରୀଙ୍କୁ ପତା ମିଳି ନ ଥିବା ଜଣାପଡିଛି । ଯାଜପୁର ସଦର ଥାନା ଅଧିକାରୀ ଘଟଣାସ୍ଥଳରେ ପଂହଚି ତଦନ୍ତ ଚଳାଇଥିବା ଜଣାପଡିଛି । ନିଖୋଜ ଛାତ୍ରୀ ଜଣକ ସ୍ଥ୍ାନୀୟ ରୁଦ୍ରଚରଣ ଉଚ୍ଚ ବିଦ୍ୟାଳୟରେ ୧୦ମ ଶ୍ରେଣୀରେ ପଢୁଥିଲେ ।
![](https://indokalingtimes.com/wp-content/uploads/2019/12/river-1-300x169.jpg)