୩ ଦୋକାନ ଜଳିଗଲା

ପାରାଦ୍ୱୀପ- ପାରାଦ୍ୱୀପଗଡ଼ ଗେଟ୍ ବଜାରରେ ଆଜି ଭୋରରୁ ଅଗ୍ନିକାଣ୍ଡ ଘଟି ତିନୋଟି ଦୋକାନ ଜଳିପୋଡି ଛାରଖାର ହୋଇଯାଇଛି  । ଏଥିରେ ଲକ୍ଷାଧିକ ଟଙ୍କାର ସମ୍ପତି ପୋଡ଼ି ନଷ୍ଟ ହୋଇଯାଇଛି  । ହେଲେ ସୌଭାଗ୍ୟବଶତଃ କେହି ମୃତାହତ ହୋଇନାହାଁନ୍ତି  । ସ୍ଥାନୀୟ ଲୋକେ ପ୍ରଥମେ ନିଆଁ ଲିଭାଇବାକୁ ଉଦ୍ୟମ କରିଥିଲେ  । ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ । କୁଜଙ୍ଗ ଦମକଳବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଥିଲେ  । ଯଥାଶୀଘ୍ର ନିଆଁକୁ ଆୟତ କରାଯାଇପାରିଥିବାରୁ ଅନ୍ୟ ଦୋକାନ ଗୁଡିକ ଏହି ବିପତିରୁ ବର୍ତି ଯାଇଛି  । ସଟସର୍କିଟ୍ କିମ୍ବା ଆଂଚ ନିଆଁରୁ ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି  । ତେବେ ନିଆଁ ଲାଗିବାର କାରଣ ଅଦ୍ୟାବଧି ଅସ୍ପଷ୍ଟ ରହିଛି  ।