ବଲାଙ୍ଗିର, ରାଜ୍ୟର ବିଭିନ୍ନ ସ୍ଥାନରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ତିରୋଧାନ ଦିବସ ପାଳନ କରାଯାଇଛି । ଏହି କ୍ରମରେ ବଲାଙ୍ଗିରରେ ଜିଲ୍ଲା ବିଜେଡି ପକ୍ଷରୁ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସ ପାଳନ କରାଯାଇଛି । ସ୍ଥାନୀୟ ବିଜୁ ପଟ୍ଟନାୟକ ଶିଶୁ ଉଦ୍ୟାନରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଛି। ଏହି ପରିପ୍ରେକ୍ଷୀରେ ବିଜେଡି ଯୁବ ନେତା ପୂର୍ବତନ ସାଂସଦ ତଥା ଓଡ଼ିଶା ହାଉସିଂ ଅଧ୍ୟକ୍ଷ କଳିକେଶ ନାରାୟଣ ସିଂହଦେଓ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଛନ୍ତି । ଏକ ସମୃଦ୍ଧ ଓଡ଼ିଶା ଗଠନ କରିବା ସହ ବିଜୁ ବାବୁଙ୍କ ସ୍ଵପ୍ନକୁ ସାକାର କରିବା ପାଇଁ ବିଜେଡି ଉଦ୍ୟମ ଜାରି ରଖିଛି ବୋଲି କଳିକେଶ ନିଜ ପ୍ରତିକ୍ରିୟାରେ କହିଛନ୍ତି । ତେବେ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସରେ ତାଙ୍କୁ ଭାରତ ରତ୍ନ ପ୍ରଦାନ ଦାବି ପୁଣି ଥରେ ବିଜେଡି ଉଠାଇଛି ।
ଦୀର୍ଘ ଦଶନ୍ଧି ହେବ ବିଜୁ ଜନତା ଦଳ ବିଜୁ ପଟ୍ଟନାୟକାଙ୍କୁ ଭାରତ ରତ୍ନ ପ୍ରଦାନ ପାଇଁ ଦାବି କରି ଆସୁଛି । ଏବଂ ଇତିମଧ୍ୟରେ କେନ୍ଦ୍ରରେ ଦୁଇଟି ସରକାର ବଦଳି ଥିବା ସତ୍ବେ କଂଗ୍ରେସ କିମ୍ବା ବିଜେପି ସରକାର ତାଙ୍କ ଏହି ଦାବିକୁ ପୂରଣ କରିନାହିଁ । ତେଣୁ ଏହି ଦାବିକୁ ପୁଣି ଉପସ୍ଥାପିତ କରିଥିବା କଳିକେଶ ନାରାୟଣ ସିଂହଦେଓ କହିଛନ୍ତି। ଏହି କାର୍ଯ୍ୟକ୍ରମରେ ବିଜୁ ଜନତା ଦଳର ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ଥିଲେ।
