କୋରାଇ – ରାଜପଥରେ ଳୁଟ କରୁଥିବା ଅବସ୍ଥାରେ ଧରାପଡି ଲୋକମାନଙ୍କ ଠାରୁ ନିସ୍ତୁକ ମାଡ ଖାଇବା ପରେ ଦୁଇ ଲୁଟେରାଙ୍କୁ ଧରି ପୁଲିସ ଜିମା ଦେଇଛନ୍ତି ସ୍ଥାନୀୟ ଲୋକେ । ପୁଲିସ ସେମାନଙ୍କୁ ଗିରଫ କରିବା ସହ ସେମାନଙ୍କ ବ୍ୟବହୃତ ବାଇକକୁ ଜବତ କରିଛି । ପ୍ରକାଶଯେ ୨୦ ନମ୍ବର ରାଜପଥରେ ଆଲିଆ ବେଣାପୁର ମଧ୍ୟରେ ଛିନତାଇ ଲୁଟ ବହୁ ସମୟରେ ଲାଗିରହିଛି । ରାଜପଥ ର ଧନଶ୍ୱର ଆଲିଆ ମଝିରେ ଥିବା ହିରୋ ବାଇକ ଷ୍ଟକୟାର୍ଡକୁ ବାଇକ ବୋଝେଇ କଂନେଟର ଆସିଥିଲା । ବାଇକ ଖଲାସ ହେବାର ବିଳମ୍ବ ହେତୁ ରାସ୍ତା କଡରେ ଗାଡି ରଖି ଗାଡିରେ ମୋବାଇଲରେ ଗୀତ ଶୁଣୁଥିଲା । ଏହି ସମୟରେ ଦୁଇ ଲୁଟେରା ଏକ ବାଇକ(ଓଆର୦୪ପି ୭୩୦୭) ଯୋଗେ ଆସିଥିଲେ । ଜଣେ ବାଇକକୁ ଷ୍ଟାଟରେ ରଖିଥିବା ବେଳେ ଅନ୍ୟ ଜଣେ ଟ୍ରକ ଉପରୁ ଚଢି ମୋବାଇଲକୁ ଝାମ୍ପି ନେଇଥିଲା । ତକ୍ଷଣାତ ଡ୍ରାଇଭର ଜଗତସିଂହପୁର ଜିଲ୍ଲା ଏରସମାର ଥାନା ବିରକିଶେର ପୁର ଗ୍ରାମର ବାବାଜି ସେନାପତିଙ୍କ ପୁଅ ବାପିନା(୨୪) ଗାଡିରୁ ଓହ୍ଲାଇ ତାକୁ ଧରିବାକୁ ସକ୍ଷମ ହୋଇଥିଲା । ସେଠାରେ ଥିବା ଅନ୍ୟ ଲୋକମାନେ ବାଇକ ଆରୋହୀକୁ ଧରିବାରେ ସକ୍ଷମ ହୋଇଥିଲେ । ପରେ ସେଠାରେ ବହୁ ଲୋକ ରୁଣ୍ଡ ହୋଇଥିଲେ । ସମସ୍ତେ ଲୁଟେରା ଦ୍ୱୟଙ୍କୁ ମନଇଚ୍ଛା ମାଡ ମରିଥିଲେ । ଲୁଟେରା ଦ୍ୱୟ ଜେନାପୁର ଥାନା ଅନ୍ତର୍ଗତ ବଳଭଦ୍ରପୁର ଗ୍ରାମର ଘନଶ୍ୟାମ ବେହେରାଙ୍କ ପୁଅ ବାବୁଲି(୨୯) ଓ ଭଦ୍ରକସାହିର ଭାବ ସେନାପତିଙ୍କ ପୁଅ ମଂଟୁ(୨୪) ବୋଳି ସୂଚନା ମିଳିଛି । ଖବରପାଇ ପୁଲିସ ଘଟଣାସ୍ଥଳେ ପହଂଚି ଲୁଟେରା ଦ୍ୱୟଙ୍କୁ ଗିରଫ କରିବା ସହ ସେମାନଙ୍କ ବାଇକକୁ ଜବତ କରିଛି ।
