ମାଲକାନଗିରି, ମାଲକାନଗିରି ୩୨୬ ନଂ ଜାତୀୟ ରାଜପଥରେ ଟିପ୍ପର ଗାଡ଼ି ଧକ୍କାରେ ୬ ମଇଁଷି ମୃତ୍ୟୁ ବରଣ କରିଥିବାବେଳେ ଗୋଟିଏ ମଇଁଷି ଗୁରୁତର ଆହତ ହୋଇଥିବା ଦେଖିବାକୁ ମିଳିଛି । ମାଲକାନଗିରି ସଦର ବ୍ଲକ ସିନ୍ଧ୍ରିମାଳ ପଞ୍ଚାୟତ ସୋରିଷମାଳା ଗ୍ରାମ ନିକଟ ରାଜରାସ୍ତା ଉପରେ ଟିପ୍ପର ଧକ୍କାରେ ମଇଁଷି ମରି ପଡିଥିବା ଆଜି ସକାଳୁ ଦେଖିବାକୁ ମିଳିଥିଲା । ସୂଚନା ଅନୁଯାୟୀ ଗତକାଲି ରାତିରେ ଏକ ଟିପର ଗାଡି ନଂୟୁ ପି ୫ ୨ ଟି ୮ 0୭ ୯ ଦ୍ରୁତ ଗତିରେ ମୁଖ୍ୟ ରାସ୍ତା ଦେଇ ଆସୁଥିବା ସମୟରେ ରାସ୍ତା ଉପରେ ଛିଡ଼ା ହୋଇଥିବା କିଛି ମଇଁଷିଙ୍କୁ ଧକ୍କା ଦେଇଥିଲା ଯାହା ଫଳରେ ଘଟଣା ସ୍ଥଳରେ ୬ ଟି ମଇଁଷି ଙ୍କ ମୃତ ହେବା ସହ ଗୋଟିଏ ମଇଁଷି ଗୁରୁତର ଅବସ୍ଥାରେ ରାସ୍ତା କଡ଼ରେ ପଡିରହିଥିଲା। ନିକଟରେ ଥିବା ଗ୍ରାମବାସୀ ଖବର ପାଇଁ ଘଟଣା ସ୍ଥଳରେ ପହଁଚି ଘଟଣା ବିଷୟରେ ଜାଣିବା ସହ ଗାଡ଼ି ଚାଳକ କୁ ଖୋଜାଖୋଜି କରିଥିଲେ କିନ୍ତୁ ଘଟଣା ଘଟିବା ପରେ ଡ୍ରାଇଭର ଗାଡିଟିକୁ ରାସ୍ତା ଉପରେ ଛାଡ଼ି ସେଠାରୁ ଫେରାର ହୋଇଯାଇଥିଲା । ଘଟଣା ସ୍ଥଳରେ ମାଲକାନଗିରି ପୋଲିସ ପହଁଚି ତଦନ୍ତଜାରୀ ରଖିଛି ।
