-
ବାଲେଶ୍ବର ଜିଲ୍ଲାର ବିଭିନ୍ନ ଥାନା ଅଧିକାରୀଙ୍କ ବଦଳି ନେଇ ଏସପି ବି ଯୁଗଳ କିଶୋର କୁମାର ନିର୍ଦ୍ଦେଶନାମା ଜାରି । ଅଧିକ ପଢ଼ନ୍ତୁ…
ବାଲେଶ୍ଵର : ଜିଲ୍ଲାର ବିଭିନ୍ନ ଥାନା ଅଧିକାରୀଙ୍କ ମଧ୍ୟରେ ବଡ଼ ଧରଣର ବଦଳି ହୋଇଛି । ଏସପି ବି ଯୁଗଳ କିଶୋର କୁମାର ଥାନା ଅଧିକାରୀ ମାନଙ୍କୁ ବଦଳି ନିର୍ଦ୍ଦେଶନାମା ଜାରି କରିଛନ୍ତି । ସହଦେବ ଖୁଣ୍ଟା ଥାନାର ନୂଆ ଆଇଆଇସି ଭାବେ କମଳ ଲୋଚନ ଭୂୟାଁକୁ ନିଯୁକ୍ତ କରାଯାଇଥିବା ବେଳେ ସେଠାରେ ଥିବା ଅଧିକାରୀ ପରେଶ କୁମାର ରାଉତଙ୍କୁ ଶିଳ୍ପାଞ୍ଚଳ ଥାନାକୁ ବଦଳି କରାଯାଇଛି । ସେହିପରି ବସ୍ତା ଥାନା ଅଧିକାରୀ ଧନେଶ୍ବର ସାହୁଙ୍କୁ ଜଳେଶ୍ବର ଥାନାକୁ ବଦଳି କରାଯାଇଛି । ତାଳସାରୀ ମେରାଇନ ଥାନାର ଦାୟିତ୍ବ ବିଶ୍ବରଂଜନ ରାଉତରାୟଙ୍କୁ ମିଳିଥିବା ବେଳେ ସେଠାରେ ଥିବା ଅଧିକାରୀ ସୁଜାତା କୁମାରୀଙ୍କୁ ଔପଦା ବଦଳି କରାଯାଇଛି । ଔପଦା ଥାନା ଅଧିକାରୀ ପ୍ରଶାନ୍ତ ଜେନାଙ୍କୁ ସିଂଲା ବଦଳି ହୋଇଥିବା ବେଳେ ସିଂଲା ଥାନା ଅଧିକାରୀ ସୁବ୍ରତ କୁମାର ବେହେରାଙ୍କୁ ଖଇରା ବଦଳି କରାଯାଇଛି । ଖଇରା ଥାନା ଅଧିକାରୀ ଲୋପାମୁଦ୍ରା ନାୟକଙ୍କୁ ରେମୁଣା ଥାନାକୁ ବଦଳି କରାଯାଇଛି। ରେମୁଣା ଥାନା ଅଧିକାରୀ ଶୁଭ୍ରାଂଶୁ ଶେଖର ନାୟକଙ୍କୁ ବସ୍ତା ଥାନା ଦାୟିତ୍ବ ଦିଆଯାଇଛି। ସିମୁଳିଆ ଥାନା ଅଧିକାରୀ ସଞ୍ଜୟ କୁମାର ପରିଡ଼ାଙ୍କୁ ଖନ୍ତାପଡା ବଦଳି ହୋଇଥିବା ବେଳେ ସିମୁଳିଆ ଥାନାରେ ପର୍ଶୁରାମ ସାହୁଙ୍କୁ ନିଯୁକ୍ତ କରାଯାଇଛି । ଖନ୍ତାପଡ଼ା ଥାନା ଅଧିକାରୀ ଶ୍ରୀବଲ୍ଲଭ ସାହୁଙ୍କୁ ସୋର ବଦଳି ହୋଇଛି ଓ ସୋର ଥାନା ଅଧିକାରୀ କ୍ଷମାସାଗର ପଣ୍ଡାଙ୍କୁ ବାଲେଶ୍ଵର ସଦର ଥାନାକୁ ବଦଳି ହୋଇଛି । ହେଡ଼କ୍ବାର୍ଟରରେ ଥିବା ପ୍ରଭୁକଲ୍ୟାଣ ଆଚାର୍ଯ୍ୟଙ୍କୁ ଚାନ୍ଦିପୁର ଥାନାର ଦାୟିତ୍ବ ଦିଆଯାଇଛି । ଚାନ୍ଦିପୁର ଥାନା ଅଧିକାରୀ ପ୍ରଭଞ୍ଜନ ବେହେରାଙ୍କୁ ବରହମପୁର ଥାନାକୁ ବଦଳି ହୋଇଛି । ବରହମପୁର ଥାନା ଅଧିକାରୀଙ୍କୁ ରୁପ୍ସା ବଦଳି କରାଯାଇଛି । ଏହାସହ ଦୁଇଜଣ ଇନ୍ସପେକ୍ଟର ଓ ଏସଆଇଙ୍କୁ ନୂଆ କରି ବଦଳି କରାଯାଇଛି । ତେବେ ଏକାଥରକେ ସବୁ ଥାନା ଅଧିକାରୀଙ୍କୁ ବଦଳିକୁ ନେଇ ଚର୍ଚ୍ଚା ଜୋର ଧରିଛି ।
