ଭଦ୍ରକ – ସହରର ୪ନଂ ପୋଲ ତଳ ନୟନେଯାରୀରୁ ଏକ ମୃତଦେହ ଉଦ୍ଧାର ହେବା ଓ ଏହାକୁ ହତ୍ୟାକାଣ୍ଡ ଅଭିେଯାଗ କରି ସ୍ଥାନୀୟ ଲୋକେ ପୁରୁଣାବଜାର ଥାନା ଘେରାଉ କରିବା ଘଟଣା ଆଜି ସହରରେ ଚର୍ଚାର ବିଷୟ ହୋଇଛି। ଆଜି ଦିନ ପ୍ରାୟ ୩ଟା ବେଳେ ୪ନଂ ପୋଲ ତଳୁ ଏକ ମୃତଦେହ ଉଦ୍ଧାର କରିଥିଲା ଓ ଏହାର ବ୍ୟବଚ୍ଛେଦ କରାଇଥିଲା। ମୃତକଙ୍କ ନାମ ନସିମ ଖାନ, ଘର କାଜିମହଲାରେ ହୋଇଥିବା ବେଳେ ସେ ଧନାଟୋଲାରେ ରହୁଥିବା କୁହାଯାଇଛି। ଗତ ୩ଦିନ ଧରି ସେ ନିଖୋଜ ଥିଲେ। କିନ୍ତୁ ପୁଲିସରେ କିଛି ରିପୋର୍ଟ ହୋଇନଥିଲା। ଆଜି ପୁଲିସ ମୃତଦେହ ଜବତ କରି ଜିଲା ମୁଖ୍ୟ ଚକିିତ୍ସାଳୟକୁ ଆଣି ବ୍ୟବଚ୍ଛେଦ ବ୍ୟବସ୍ଥା କରାଇଥିଲା। ବ୍ୟବଚ୍ଛେଦ ପରେ ମୃତଦେହ ସଂଧ୍ୟାରେ ପରିବାର ଲୋକଙ୍କୁ ହସ୍ତାନ୍ତର କରାଯିବା ପରେ ପରିବାର ଲୋକେ ମୃତଦେହକୁ ଧରି ପୁରୁଣାବଜାର ଥାନା ଘେରାଉ କରିଥିଲେ। ଏହା ଏକ ହତ୍ୟାକାଣ୍ଡ ଓ ହତ୍ୟାକାରୀକୁ ଧରାଯାଉ ବୋଲି ଦାବି କରିଥିଲେ। ଏଥିସହ ମୃତଦେହ େଯଉଁସ୍ଥାନରୁ ଉଦ୍ଧାର କରାଗଲା ତା’ର ଆଖପାଖରେ ଚୋରାମଦ କାରବାର ଚାଲିଥିବାରୁ ତାହାକୁ ବନ୍ଦ କରାଯିବା ଲାଗି ଦାବି କରିଥିଲେ। ପ୍ରାୟ ଅଧଘଂଟା କାଳ ସେମାନେ ଥାନା ଘେରାଉ କରିଥିଲେ। ଆଇଆଇସି ପ୍ରଜ୍ଞା ମହାନ୍ତି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ସ୍ବାଭାବିକ ହୋଇଥିଲା।
