ଧାନ କାଟି ଘରକୁ ଫେରିବା ସମୟରେ ମରଣାତ୍ମକ ଆକ୍ରମଣ

ଦିଗପହଣ୍ଡି:  ଦିଗପହଣ୍ଡି ବ୍ଲକ କରପଡା ଗାଁ ର ବିଜୟ ସେଠୀ ଙ୍କୁ ମରଣାନ୍ତ ଆକ୍ରମଣ। ଅପରାହ୍ନ ପ୍ରାୟ 3 ଟା ରେ ସଂଘବଦ୍ଧ ଭାବେ କିଛି ଦୁର୍ବୁର୍ତ୍ତ ଖଣ୍ଡା ରେ ହାଣି ହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ବିଜୟ ଗାଁ ନିକଟ ତାଙ୍କ ଚାଷ ଜମିରେ ଧାନ କଟା କାମସାରି ବାଇକ ରେ ଫେରୁଥିଲେ।ଗାଁ ସ୍କୁଲ ନିକଟ ଶ୍ମଶାନ ସମ୍ମୁଖ ରାସ୍ତାରେ ୨ ଟି ବାଇକ ରେ ୪ ଜଣ ଯୁବକ ପହଞ୍ଚି ତାଙ୍କୁ ଅଟକାଇବା ସହ ନିର୍ମମ ଭାବେ ଖଣ୍ଡାରେ ହାଣି ଫେରାର ହୋଇଯାଇଥିଲେ। ଏଥି ପୂର୍ବରୁ ସମ୍ପୃକ୍ତ ଯୁବକ ମାନେ ଦେଓ ଖାଳି ଛକ ରେ ହୋଟେଲ କରିଥିବା କୃଷ୍ଣ ସାହୁ ଙ୍କୁ ସେମାନେ ଖଣ୍ଡାରେ ହାଣି କିଛି ସମୟ ସେଠାରେ ଆତଙ୍କ ଚଳାଇଥିଲେ। ଦୀର୍ଘ ଦିନ ର ନିରବତା ପରେ ପୁଣି ଦେଓ ଖାଳି ଛକ ଅଶାନ୍ତ ହୋଇ ପଡ଼ିଛି। ଘଟଣା ପରେ ଦୋକାନ ବଜାର ବନ୍ଦ ହୋଇଯାଇଛି। ଛକ ରେ ପୋଲିସ ମୁତୟନ ଅଛନ୍ତି। ପୋଲିସ ପହଞ୍ଚିବା ପୂର୍ବରୁ ସମ୍ପୃକ୍ତ ଯୁବକ ମାନେ କରପଡ଼ା ରାସ୍ତା ରେ ଫେରାର ହୋଇଯାଇଥିଲେ।

ରିପୋର୍ଟ ପ୍ରଫୁଲ ସାବତ