ବଲାଙ୍ଗିର, ଗତକାଲି ରାତି ପ୍ରାୟ ସାଢେ ନଅଟା ବେଳେ ପାଟଣାଗଡ ପୋଲିସ ଥାନା ଅନ୍ତର୍ଗତ ରାମପୁର ପେଟ୍ରୋଲ ପମ୍ପ ଆଗରେ ବସ ଧକ୍କା ରେ ଦୁଇଜଣ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ଉଦ୍ଭୟେ ହେଲେ ତୁଷୁରା ଥାନା ଅନ୍ତର୍ଗତ ନୂଆପଡ଼ା ଗ୍ରାମର ଅସିତ୍ ମେହେର (୨୭) ଓ ମଳୟ ମନହୀରା ( ୨୪) ।ଉଭୟେ ଏକ ବାହାଘରରେ ଯୋଗଦେବାକୁ ବାଇକ୍ ନଂ ଓ ଡି ୦୩ ୟୁ ୭୦୩୭ ଯୋଗେ ଯାଉଥିବା ବେଳେ ପାଟଣାଗଡ ରୁ ବାହାରି ଭୁବନେଶ୍ୱର ଯାଉଥିବା ଜୟ ମାତାଦୀ ନାମକ ଘରୋଇ ବସ ଓ ଡି ୨୬ ସି ୯୮୭୭ ସହ ବୁଲାନି ରାସ୍ତାରେ ମୁହାଁମୁହିଁ ଧକ୍କା ହୋଇଥିଲା ।ଫଳରେ ଦୁଇ ବାଇକ୍ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଖବର ପାଇ ପାଟଣାଗଡ ପୋଲିସ୍ ପହଞ୍ଚି ତଦନ୍ତ କରି ଥିବା ଜଣା ଯାଇଛି ।
