ଭଞ୍ଜନଗର- ଭଞ୍ଜନଗର ସ୍ଥିତ ବାଉଁଶ ଲୁଣ୍ଡି ମୁଖ୍ୟ ରାସ୍ତା କଡରେ ଆଜି ଦିନ ୧୧ ଟା ବେଳେ ରୋଷନ ପ୍ରଧାନ ନାମକ ଜଣେ ଯୁବକ ଛିଡା ହୋଇଥିବା ବେଳେ ହଠାତ ୩ଜଣ ଏକ ବାଇକରେ ଆସି ତାକୁ ଧକ୍କା ଦେବା ଫଳରେ ସେ ଗୁରୁତର ଆହତ ହୋଇ କଣ ଏପରି ଗାଡି ଚଳାଉଛ ବୋଲି ପଚାରିବାରୁ ସେମାନେ ରୋଷନ କୁ ମାଡ଼ ମାରିବାରୁ ସେ ଅଚେତ ହୋଇ ପଡ଼ିଥିଲା। ଏହାପରେ ସେମାନେ ରୋଷନ ଘରକୁ ଯାଇ ତାର ମାଆ କୁ ମଧ୍ୟ ଧମକ ଚମକ ଦେଇଥିଲେ। ଏସମ୍ପର୍କରେ ଭଞ୍ଜନଗର ପୋଲିସ ଖବର ପାଇ ତୁରନ୍ତ ସେଠାରେ ପହଞ୍ଚି ରବି ନାଇକ କୁ କାବୁ କରିଥିବା ବେଳେ କାଳିଆ ନାଇକ ଓ ଅନ୍ୟ ଜଣେ ଚମ୍ପଟ ମାରିଛନ୍ତି। ସେଠାରୁ ପୋଲିସ ଦୁର୍ଘଟଣା ଘଟାଇ ଥିବା ବାଇକ କୁ ଜବତ କରିଛି।
