ବଲାଙ୍ଗିର, ବଲାଙ୍ଗିରର ନେତାଜୀ ସଂଗ୍ରାମୀ ପରିଷଦର ୩୧ ତମ ପ୍ରତିଷ୍ଠା ଦିବସ ତଥା ନେତାଜୀ ସୁଭାଷ ବୋଷଙ୍କ ଜନ୍ମ ଜୟନ୍ତୀ ଆଜି ଜିଲ୍ଲାପାଳ ବାସଭବନ ଆଗରେ ପରିଷଦର ଅଧ୍ୟକ୍ଷ ଲକ୍ଷ୍ମୀନାରାୟଣ ପଟ୍ଟନାୟକଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି। ଏଥିରେ ମୁଖ୍ୟ ଅତିଥିଭାବେ କୋସଲି ବାଦି ନେତା ତଥା ଆଇନଜୀବୀ ପ୍ରମୋଦ ମିଶ୍ର, ସାମ୍ବାଦିକ ବିରେନ୍ଦ୍ର କୁମାର ଝାଙ୍କର, ପଦ୍ମପୁରର ଆଇନଜିବି ପ୍ରଶାନ୍ତ ମାଝି ସମ୍ମାନିତ ଅତିଥିଭାବେ ଯୋଗଦେଇ ବକ୍ତବ୍ୟ ରଖିଥିଲେ।
ଅନ୍ୟ ମାନଙ୍କ ମଧ୍ୟରେ କବି ପ୍ରଦୀପ ମିଶ୍ର ତାଙ୍କର ବକ୍ତବ୍ୟ ରଖିଥିଲେ। ସମ୍ବର୍ଦ୍ଧନା କାର୍ଯ୍ୟକ୍ରମରେ ବରିଷ୍ଠ କ୍ରୀଡାବିତ୍ ନରେନ୍ଦ୍ର କୁମାର ଆଚାର୍ଯ୍ୟ, ବଲାଙ୍ଗିରର ମହିଳା କ୍ରିକେଟିଅର ରୋଷନି ବଗର୍ତ୍ତୀଙ୍କୁ ସମ୍ମାନିତ କରାଯାଇଥିଲା। ଶେଷରେ ଅବତାବ ହୁସେନ୍ ଧନ୍ଯବାଦ ଅର୍ପଣ କରିଥିଲେ। ପରିଷଦର ଆବାହକ ବିରେନ୍ଦ୍ର କୁମାର ବନଛୋର ମଞ୍ଚାସୀନ ରହି ମାନପତ୍ର ପଠନ ସହିତ କାର୍ଯ୍ୟକ୍ରମର ସଂଯୋଜନା କରିଥିଲେ। ଉତ୍ସବରେ ବଲାଙ୍ଗିରର ବିଭିନ୍ନ ବର୍ଗର ମହିଳା ପୁରୁଷ ସମେତ ଛାତ୍ରଛାତ୍ରୀ ଓ ବରିଷ୍ଠ ନାଗରିକ ଉପସ୍ଥିତ ଥିଲେ।
