ନୂଆପଡା – ନୂଆପଡା ଜିଲ୍ଲା ଖଡିଆଳ ବ୍ଲକ ତୁକଲା ସ୍ଥିତ ସରସ୍ୱତୀ ଶିଶୁ ମନ୍ଦିର ଠାରେ ସଙ୍କୁଳସ୍ତରୀୟ ବାର୍ଷିକ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି କ୍ରୀଡା ପ୍ରତିଯୋଗିତାରେ ଗ୍ରାମର ଘନଶ୍ୟାମ ମେହେର ମୁଖ୍ୟ ଅତିଥି ଓ ବିଷ୍ଣୁ ପ୍ରସାଦ ଅଗ୍ରୱାଲ ସମ୍ମାନିତ ଅତିଥି ଭାବରେ ଯୋଗଦାନ ଉଦ୍ଘାଟନ କରିଥିଲେ । ଏହି ଉତ୍ସବରେ ଖଡିଆଳ ସଙ୍କୁଳ ସଂଯୋଜକ ସତ୍ୟନାରାୟଣ ଭୁକ୍ତା, ସଙ୍କୁଳ ପ୍ରମୁଖ ବିଜୟ କୁମାର ବାରିକ, ସଙ୍କୁଳ ଖେଳ ପ୍ରମୁଖ ଧନଞ୍ଜୟ କେତକୀ, ଶିଶୁ ମନ୍ଦିର ପରିଚାଳନା ସମିତି ସଭାପତି ବେଣୁପାଣି ବେହେରା, ସମ୍ପାଦକ ଅମୂଲ୍ୟ ଦାସ, ପ୍ରଧାନ ଆଚାର୍ଯ୍ୟ ଅକିଂଚନ ବାରିକ ତଥା ସମସ୍ତ ଗୁରୁଜୀ ଗୁରୁମା, ସେବକ ସେବିକା, ଖଡିଆଳ ସଙ୍କୁଳର ସମସ୍ତ ପ୍ରଧାନ ଆଚାର୍ଯ୍ୟ, ଖେଳ ଶିକ୍ଷକ ଉପସ୍ଥିତ ଥିଲେ । ଏହି ଅବସରରେ ଖଡିଆଳ ଓ ବୋଡେନ ବ୍ଲକର ୭ ଗୋଟି ଶିଶୁ ମନ୍ଦିରର ୯୧ ଜଣ ପ୍ରତିଯୋଗି ଛାତ୍ରଛାତ୍ରୀ ସାମିଲ ଥିଲେ । ଅପରାହ୍ନରେ ସମାପନ ସମାରୋହରେ ଖଡିଆଳ ପଂଚାୟତ ସମିତି ଉପାଧ୍ୟକ୍ଷା ନିଲେନ୍ଦ୍ରୀ ମେହେର ମୁଖ୍ୟ ଅତିଥି, ବିଜୟ ବାରିକ, ସତ୍ୟ ନାରାୟଣ ଭୁକ୍ତା ଓ ଧୃବ ପାତ୍ର ସମ୍ମାନିତ ଅତିଥି ଭାବରେ ଯୋଗଦାନ କରି ୩ ଗୋଟି ଖେଳ ପ୍ରତିଯୋଗିତା ସଟଫୁଟ, ଦୌଡ ଏବଂ ଡିଆଁରେ ବିଜୟୀ ପ୍ରତିଯୋଗି ମାନଙ୍କୁ ପୁରସ୍କୃତ କରାଯାଇଥିଲା ।
