ନୂଆପଡା – ନୂଆପଡା ଜିଲ୍ଲା ଖଡିଆଳ ବିଜ୍ଞାପିତ ଅଂଚଳ ପରିଷଦ ଅନ୍ତର୍ଗତ ପୁଟୁପଡା ଠାରେ ଅନୁଷ୍ଠିତ ରାଧାକୃଷ୍ଣ ଫୁଟବଲ ଟୁର୍ଣ୍ଣାମେଂଟ ରବିବାର ପଂଚମ ଦିନରେ ପହଂଚିଛି । ଆଜିର ଖେଳରେ ମୁଖ୍ୟ ଅତିଥି ଭାବରେ ମନୋଜ ପଟ୍ଟନାୟକ ଯୋଗଦାନ କରିଥିବା ବେଳେ ସମ୍ମାନିତ ଅତିଥି ଭାବରେ ଆୟୋଜନ କମିଟିର ସୁରେଶ ଦଣ୍ଡସେନା, ସୌରଭ ନାଗ, ପିଂଟୁ ଶବର, ଜଗନ୍ନାଥ ବଛା, ରାମେଶ୍ୱର ଭାଟି, କୈଲାସ ଯୋଗଦାନ କରିଥିଲେ । ଆଜିର ଖେଳ ପ୍ରତିଯୋଗିତାର ପ୍ରଥମ ରାଉଣ୍ଡ ଖେଳ ଜୁରାବନ୍ଧ ଏବଂ ଖଇରଭାଡି ଦଳ ମଧ୍ୟରେ ଖେଳ ଅନୁଷ୍ଠିତ ହୋଇଥିବା ବେଳେ ଜୁରାବନ୍ଧ ଦଳ ୨-୦ ଗୋଲରେ ବିଜୟୀ ହୋଇଥିଲା । ସେହିପରି ଦ୍ୱିତୀୟ ରାଉଣ୍ଡ ଖେଳ ବିନୋପୁର ଏବଂ ବିଛନାପାଲି ଦଳ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ବିନୋପୁର ଦଳ ବିଜୟୀ ହୋଇଥିଲା । ଏଥିରେ ବ୍ରହ୍ମାନନ୍ଦ ରାଉତରାୟ ଧାରା ବିବରଣୀ ପ୍ରଦାନ ଏବଂ ତାପସ ପତି ଖେଳ ପରିଚାଳନା କରିଥିଲେ ।
