ପୁରୀ – ପକ୍ଷୀଟି ଉଡ଼ିଯାଉଥିଲା । ପୋଷ୍ଟ ଅଫିସ ଛକରେ ଉଡ଼ିଯାଉଥିବାବେଳେ ବିଦ୍ୟୁତ ସଂସ୍ପର୍ଶରେ ଆସି ପକ୍ଷୀଟି ଛିଟିକି ପଡ଼ିଥିଲା । ଏହି ସମୟରେ ପୁରୀର ପ୍ରିୟ ଚା’ ଦୋକାନୀ ଅକ୍ଷୟ ଦେଖିବାପରେ ସଙ୍ଗେ ସଙ୍ଗେ ପକ୍ଷୀଟିକୁ ଧରିଆଣି ପାଣି ପିଆଇବା ସହ କିଛି ସମୟ ଆଉଁଷି ଥିଲେ । ପକ୍ଷୀଟି ଗୋଡ଼ ସଳଖି ଠିଆ ହେବାପାଇଁ ବହୁ ସମୟ ଲାଗିଥିଲା । ଏହି ସମୟରେ ଅକ୍ଷୟ ତାଙ୍କ ଚା’ ଦୋକାନରୁ ସରପକା ଚା’ ଆଣି ପକ୍ଷୀଟିକୁ ଟିକେ ଟିକେ ପିଆଇଥିଲେ । କିଛି ସମୟ ପରେ ପକ୍ଷୀଟି ଝାଡ଼ିଝୁଡ଼ି ହୋଇ ଉଠିଥିଲା । ପରେ ବିସ୍କୁଟ ଦେବାରୁ ତାହାକୁ ଖାଇ ଅଳ୍ପଟିକେ ପାଣି ପିଇଥିଲା । ପରେ ଫୁରକିନା ଉଡ଼ିଯାଇଥିଲା । ସେଠାରେ ଚା’ ପିଉଥିବା ଲୋକମାନେ ଆନନ୍ଦରେ ତାଳି ମାରିଥିଲେ । ଅକ୍ଷୟ ଖାଲି ମୋଦିଙ୍କ ଜନ୍ମଦିନରେ ମାଗଣା ଚା’ ବଂଟନ କରି ସମସ୍ତଙ୍କ ହୃଦୟରେ ସ୍ଥାନ ପାଇଥିଲେ । ଏବେ ପକ୍ଷୀଟିକୁ ବଂଚାଇବାରୁ ସମସ୍ତେ ଅକ୍ଷୟର ଏହି ସେବା ପାଇଁ ବଧାଇ ଜଣାଇଥିଲେ ।
