ଭୁବନେଶ୍ୱର, ଧାମନଗର ଉପନିର୍ବାଚନ ନେଇ ଶୁକ୍ରବାର ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ଆସନ୍ତା ନଭେମ୍ବର ୩ ତାରିଖରେ ଉପନିର୍ବାଚନ ପାଇଁ ଭୋଟ ଗ୍ରହଣ ହେବ । ଭୋଟ୍ ଗ୍ରହଣ ପ୍ରକ୍ରିୟା ସମ୍ପର୍କରେ ସୂଚନା ଦେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ଶୁକ୍ରବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଉପନିର୍ବାଚନରେ ମୋଟ୍ ୨୫୨ ଟି ବୁଥ୍ ରେ ଭୋଟ ଗ୍ରହଣ ହେବ । ଧାମନଗରରେ ମୋଟ ୨ ଲକ୍ଷ ୩୮ ହଜାର ୩୬୦ ଭୋଟର ସେମାନଙ୍କ ମତାଧିକାର ସାବ୍ୟସ୍ତ କରିବେ । ସେମାନଙ୍କ ମଧ୍ୟରେ ୧ ଲକ୍ଷ ୨୩ ହଜାର ୧୩ ପୁରୁଷ ଓ ୧ ଲକ୍ଷ ୧୫ ହଜାର ୩୧୪ ମହିଳା ଭୋଟର ରହିଛନ୍ତି । ଏହା ବ୍ୟତୀତ ୪୯୫୬ ଦିବ୍ୟାଙ୍ଗ ଓ ୭୨୦୬ ଜଣ ୮୦ ବର୍ଷରୁ ଉର୍ଦ୍ଧ୍ୱ ଭୋଟର ରହିଛନ୍ତି । ସେହିପରି ୫୦ ପ୍ରତିଶତ ମତଦାନ କେନ୍ଦ୍ରରେ ୱେବ କାଷ୍ଟିଂ କରାଯିବ ।
ଶ୍ରୀ ଲୋହାନୀ ଆହୁରି କହିଛନ୍ତି ଯେ ଉପନିର୍ବାଚନ ପାଇଁ କେନ୍ଦ୍ର ନିର୍ବାଚନ ଆୟୋଗଙ୍କ ପକ୍ଷରୁ କୌଣସି କୋଭିଡ ଗାଇଡ ଲାଇନ ପାଳନ ନେଇ ସୂଚନା ଦିଆଯାଇନାହିଁ ।
