ସ୍ୱତନ୍ତ୍ର ଭାରତରେ ସର୍ଵଜନ ହିତାୟ ବିଚାରଧାରାର ପ୍ରବର୍ତ୍ତକ, ଯୁଗଦ୍ରଷ୍ଟା, ଏକାତ୍ମ ମାନବବାଦର ପ୍ରଣେତା,କୁଶଳ ସଂଗଠନକର୍ତ୍ତା,ସୁଲେଖକ, ନିର୍ଭୀକ ସାମ୍ବାଦିକ,ମହାନ ରାଜନୀତିଜ୍ଞ,ଅର୍ଥତତ୍ତ୍ୱବିତ,ଏକ ସମର୍ଥ,ସଶକ୍ତ,ସ୍ୱାବଲମ୍ବୀ ଭାରତ ବର୍ଷ ର ସ୍ୱପ୍ନ ଦେଖିଥିବା,ତ୍ୟାଗ-ତପସ୍ୟା ର ପ୍ରତିମୂର୍ତ୍ତି ପଣ୍ଡିତ ଦୀନ ଦୟାଲ ଉପାଧ୍ୟାୟ ଙ୍କ ଜୟନ୍ତୀ ଅବସରରେ ଭାରତ ବିକାଶ ପରିଷଦ ଶ୍ରୀ ଜଗନ୍ନାଥଧାମ ଶାଖା ତରଫରୁ ତାଳବଣିଆ ରେ ତାଳମଞ୍ଜି ରୋପଣ କରାଯାଇଥିଲା।
ପରିଷଦ ର ପର୍ଯ୍ୟାବରଣ ଆବାହକ ସନ୍ତୋଷ ମହାନ୍ତି ଙ୍କ ଆବାହକତ୍ୱ ରେ ନେହେରୁ ଯୁବକେନ୍ଦ୍ର ସଂଗଠନ ର ସ୍ବେଛାସେବୀ ମାନେ ତାଳମଞ୍ଜି ରୋପଣ ରେ ସହଯୋଗ କରିଥିଲେ।ସ୍ଥାନୀୟ ବିଧାୟକ ଜୟନ୍ତ ଷଡ଼ଙ୍ଗୀ ଯୋଗ ଦେଇ ସ୍ବେଛାସେବୀ ମାନଙ୍କୁ ଉତ୍ସାହିତ କରିଥିଲେ।
ନେହେରୁ ଯୁବକେନ୍ଦ୍ର ପୁରୀ ସଂଯୋଜକ ଜୟ ଶଙ୍କର ଯୋଶୀ କାର୍ଯ୍ୟକ୍ରମରେ ଉପସ୍ଥିତ ଥିଲେ। ଧନୁର୍ଦ୍ଧର ମୁଦୁଲି,ଉର୍ମିଳା ସ୍ୱାଇଁ,କୃଷ୍ଣ ଚନ୍ଦ୍ର ସାହୁ,ବାଶୁ ଦେବ ସେନାପତି,ସତ୍ୟକାମ ସାହୁ ,ଓମ ପ୍ରସାଦ ମହାନ୍ତି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।
ଭାରତ ବିକାଶ ପରିଷଦ ,ଶ୍ରୀ ଜଗନ୍ନାଥ ଧାମ ଶାଖା ସମ୍ପାଦକ ସୌମେନ୍ଦ୍ର ଦାସ କାର୍ଯ୍ୟକ୍ରମ ପରିଚାଳନା କରିଥିଲେ।
