ଶ୍ରୀମନ୍ଦିର ପଶ୍ଚିମ ଦ୍ୱାର ନିକଟସ୍ଥ ବାସେଳୀ ଠାକୁରାଣୀଙ୍କ ନିକଟ ଗଳିରେ ଗତ ଗୁରୁବାର ଦିନ କେହି ଅଜଣା ଗାଡି ଚାଳକ ଗୋଟିଏ ବୁଲା କୁକୁରକୁ ଗାଡି ଚଢ଼ାଇ ଦେଇଥିଲେ | ଘଟଣା ସ୍ଥଳରେ କୁକୁର ଆହତ ହୋଇ ପଡି ରହିଥିଲା |କୌଣସି ସୂତ୍ରରୁ ଖବର ପାଇ ଉମିଦ ଫାଉଣ୍ଡେସନ ତରଫରୁ ସଦସ୍ୟ ଦୀପକ ବେହେରା ଏବଂ ବିଷ୍ଣୁ ସେଠୀ ପହଞ୍ଚି ଆହତ କୁକୁର ଟିର ଚିକିତ୍ସା କରିଥିଲେ |ସେଠାରେ ସେ କୁକୁର ଟିର ପଛ ଗୋଡ଼ରେ ଗଭୀର କ୍ଷତ ହୋଇଥିବା ସହିତ ଲାଞ୍ଜଟି ଛିଣ୍ଡି ଯାଇଥିବା କହିଥିଲେ |କୁକୁରଟିର ପଛ ଗୋଡ ଦୁଇଟିରେ ଗଭୀର କ୍ଷତ ଲାଗିଥିବାରୁ ଗୋଡ଼ ଘୋସାରି ଅନ୍ୟତ୍ର ଯିଵା ଏବଂ ଖାଦ୍ୟ ଅନ୍ୱେଷଣ କରିବା କଷ୍ଟସାଧ୍ୟ ଥିଲା |କୁକୁର ଟିକୁ ସ୍ୱତନ୍ତ୍ର ସ୍ଥାନରେ ରଖି ଚିକିତ୍ସା କରିବା ପାଇଁ ବ୍ୟବସ୍ଥା ନ ଥିବାରୁ ସେମାନେ କୁକୁର ଟିର ନିଜ ସାମର୍ଥ୍ୟ ଅନୁସାରେ ଚିକିତ୍ସା କରି ସେଠାରୁ ଚାଲିଯାଇଥିଲେ |ଏଭଳି କ୍ଷେତ୍ରରେ ଜିଲ୍ଲା ପ୍ରଶାସନ ତରଫରୁ ଯଦି ପ୍ରାଣୀ ମାନଙ୍କ ଚିକିତ୍ସା ପାଇଁ ଆମ୍ବୁଲାନ୍ସ ଏବଂ ସ୍ଥାନାନ୍ତରଣ ନିମନ୍ତେ ସ୍ୱତନ୍ତ୍ର ବ୍ୟବସ୍ଥା କରାଗଲେ ଭଲ ହୁଅନ୍ତା ବୋଲି ସାଧାରଣରେ ମତ ପ୍ରକାଶ କରାଯାଇଥିଲା |
