ଧର୍ମଶାଳା : ରସୁଲପୁର ବ୍ଲକ ବ୍ରହ୍ମବରଦା ପଂଚାୟତସ୍ଥ ଢିହସାହି ଗ୍ରାମର ଜଣେ ଯୁବକଙ୍କର ଅକାଳ ବିୟୋଗ ଘଟିଛି । ରାଂଚିଠାରେ ଏକ ସଡକ ଦୁର୍ଘଟଣାରେ ତାଙ୍କର ମୃତୁ୍ୟ ହୋଇଛି । ଯାହାକୁ ନେଇ ବ୍ରହ୍ମବରଦା ଅଂଚଳରେ ଶୋକରଛାୟା ଖେଳିଯାଇଛି । ମୃତ ଯୁବକ ଜଣକ ହେଲେ ଢିହସାହି ଗ୍ରାମର ଦୁର୍ଯେ୍ୟଧନ ବିଶ୍ୱାଳଙ୍କ ପୁଅ ଦେବାଶିଷ(୩୪)ବୋଲି ଜଣାପଡିଛି । ଦେବାଶିଷ ରାଂଚିରେ ଚାକିରୀ କରିଥିଲେ । କାର୍ତିକ ପୁର୍ଣ୍ଣମୀ ଅବସରରେ ଛୁଟି ନେଇ ସପ୍ତାହ ତଳେ ଘରକୁ କମ୍ପାନୀ ଗାଡିରେ ଆସିଥିଲେ । ଗତ କାଲି ପୂର୍ବାହ୍ନରେ ଡ୍ରାଇଭର ଓ ଦେବାଶିଷ ଦୁହେଁ ଉକ୍ତ ଗାଡିରେ ତାଙ୍କ ଶ୍ୱଶୁର ଘର କୁଆଖିଆ ଦେଇ ରାଂଚି ଯାଇଥିଲେ । ଗତ କାଲି ବିଲମ୍ବିତ ରାତିରେ ରାଂଚିରେ ପଂହଚିବାର ଅଧ ଘଂଟା ପୂର୍ବରୁ ଏକ ଅଜଣା ଗାଡି ଧକ୍କାରେ ତାଙ୍କର ମୃତୁ୍ୟ ହୋଇଥିଲା । ସେଠାରେ ତାଙ୍କ ମରଶରୀରକୁ ବ୍ୟବଚ୍ଛେଦ କରାଯାଇଥିଲା । ମଙ୍ଗଳବାର ସକାଳେ ତାଙ୍କ ମରଶରୀର ପଂହଚିବ ବୋଲି ସୂଚନା ମିଳିଛି । ଅନ୍ୟପକ୍ଷେ ଦେବାଶିଷଙ୍କର ଏକ କନ୍ୟା ଥିବା ଜଣାପଡିଛି । ତାଙ୍କର ଏହି ଅକାଳ ବିୟୋଗକୁ ନେଇ ସମଗ୍ର ବ୍ରହ୍ମବରଦାରେ ଶୋକରଛାୟା ଖେଳିଯାଇଛି ।
