ସମ୍ବଲପୁର – ସମ୍ବଲପୁର ସହର ଟାଉନ୍ ଥାନା ଅନ୍ତର୍ଗତ ମୋଦିପଡ଼ାରେ ଏକ ବନ୍ଦ ଘରୁ ଗତ ୧୫ ତାରିଖ ଦିନ ମହିଳାଙ୍କ ମୃତଦେହ ଉଦ୍ଧାର ଓ ହତ୍ୟା ଘଟଣାର ପର୍ଦ୍ଦାଫାଶ କରିଛି ପୋଲିସ । ଆଉ କେହି ନୁହେଁ ବରଂ ତାଙ୍କ ସ୍ୱାମୀ ପାରିବାରିକ କଳହକୁ କେନ୍ଦ୍ର କରି ତାଙ୍କୁ ହତ୍ୟା କରିଥିବା ପୋଲିସ ସ୍ପଷ୍ଟ କରିଛି । ମହିଳାଙ୍କ ସ୍ୱାମୀ ଜ୍ୟୋତିଷ ଟପ୍ନୋଙ୍କ ବୟାନ ରେକର୍ଡ଼ କରିବା ସହ ମାମଲାରେ ପୋଲିସ ତାଙ୍କୁ ଗିରଫ କରିଛି । ତାଙ୍କ ଘର ଜୁଜୁମରା ଥାନା ଅନ୍ତର୍ଗତ କଅଁସର ଗ୍ରାମରେ ବୋଲି ଜଣାପଡିଛି ।
ପୂର୍ବରୁ ଟାଉନ୍ ଥାନା ପୋଲିସ ଏ ସଂକ୍ରାନ୍ତରେ ଏକ ହତ୍ୟା ମାମଲା ରୁଜ୍ଜୁ କରି ଘଟଣାର ତଦନ୍ତ ଜାରୀ ରଖିଥିଲା । ଘର ମାଲିକଙ୍କ ଠାରୁ ତଥ୍ୟ ସଂଗ୍ରହ କରିଥିଲା । ମୃତ ମହିଳାଙ୍କ ସ୍ୱାମୀ ଓ ୪ ବର୍ଷର ପୁଅକୁ ଖୋଜୁଥିଲା । ଏହି ଦମ୍ପତିଙ୍କ ପରିଚୟ ଏବଂ ସେମାନେ କେଉଁ ଅଂଚଳର ସେନେଇ ପୋଲିସ ତଦନ୍ତ ଜାରୀ ରଖିଥିଲା ।
