କନ୍ଧମାଳ, ବରିଷ୍ଠ ସାମ୍ବାଦିକ ଅର୍ଧେନ୍ଦୁ ଦାସଙ୍କୁ ଗିରଫ ଓ ଇଓଡବ୍ଲୁ କର୍ମଚାରୀଙ୍କ ଦୁର୍ବ୍ୟବହାର ପ୍ରତିବାଦରେ କନ୍ଧମାଳ ଜିଲା ଫିରିଙ୍ଗିଆ ବ୍ଲକ ର କାର୍ଯ୍ୟରତ ସାମ୍ବାଦିକ ମାନଙ୍କ ତରଫରୁ ବ୍ଲକ ସମ୍ମୁଖରେ ଧାରଣା ଦିଆଯିବା ସହ ବରିଷ୍ଠ ସାମ୍ବାଦିକ ଅର୍ଧେନ୍ଦୁ ଦାସଙ୍କୁ ନିସର୍ତରେ ଖଲାସ ଦାବିରେ ରାଜ୍ୟପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି।
ଦିନ ୧୧ ଟା ସମୟରେ ଫିରିଙ୍ଗିଆର ବରିଷ୍ଠ ସାମ୍ବାଦିକ ମହାଦେବ ସାହୁଙ୍କ ନେତୃତ୍ଵରେ ହୋଇ ଥିବା ଏହି ଧାରଣାରେ ସାମ୍ବାଦିକ ସୁବ୍ରତ କୁମାର ମହାନ୍ତି, ଉତ୍ତମ ଖମାରି, ସଞ୍ଜୟ କୁମାର ସାହୁ, ହୂରଞ୍ଜନ ସେଠି, ମନୋଜ କୁମାର ସାହୁଙ୍କ ସହ ଅନ୍ୟାନ୍ୟ ସାମ୍ବାଦିକ ମାନେ ଉପସ୍ଥିତ ଥିଲେ। ପ୍ରାୟ ୪ ଘଣ୍ଟା ସାମ୍ବାଦିକ ମାନେ ବ୍ଲକ ସମ୍ମୁଖରେ ଧାରଣା ଦେବା ସହ ବିଡ଼ିଓ ରଶ୍ମିରଂଜନ ମହନ୍ତ ଅନୁପସ୍ଥିତି ଥିବାରୁ ବ୍ଲକ ର ହିସାବ ରକ୍ଷକ ଅନୁଗ୍ରହ ସଚିନ ଜାତେଙ୍କୁ ଦାବିପତ୍ର ପ୍ରଦାନ କରାଯାଇଥିଲା।
