-
ଏକେ -୪୭ ରାଇଫଲ, ଦେଶି ବନ୍ଧୁକ, ଚାରିଚକିଆ ଗାଡି, ୨୦ ରାଉଣ୍ଡ ଜୀବନ୍ତ ଗୁଳି ଜବତ
ରାଉରକେଲା, ରାଉରକେଲା ଚାନ୍ଦିପୋଷ ଥାନା ଅଂଚଳରେ ପୋଲିସ ଓ ଅପରାଧୀଙ୍କ ମଧ୍ୟରେ ଗୁଳି ବିନିମୟ ବେଳେ ଜଣେ ଆହତ ହୋଇଛି । ତାକୁ ଚିକିତ୍ସା ନିମନ୍ତେ ରାଉରକେଲା ସରକାରୀ ହସ୍ପିଟାଲ (ଆରଜିଏଚ) ରେ ଭର୍ତି କରାଯାଇଛି । ତାର ଡାହାଣ ଗୋଡରେ ଗୁଳି ବାଜିଛି । ତା ନିକଟରୁ ଗୋଟିଏ ଏକେ -୪୭ ରାଇଫଲ ଓ ଗୋଟିଏ ଦେଶି ବନ୍ଧୁକ, ଏକ ଚାରିଚକିଆ ଗାଡି, ୨୦ ରାଉଣ୍ଡ ଜୀବନ୍ତ ଗୁଳି ଜବତ ହୋଇଥିବା ନେଇ ରାଉରକେଲା ଏସପି ସୂଚନା ଦେଇଛନ୍ତି । ତେବେ ପୋଲିସ ଗୁଳିରେ ଆହତ ହୋଇଥିବା ବ୍ୟକ୍ତି ଜଣକ କେଉଁ ଅଂଚଳକୁ ଆସିଥିଲା, ଉଦ୍ଦେଶ୍ୟ କଣ ଥିଲା ଏବଂ ତାର ଅପରାଧିକ ପୃଷ୍ଠଭୂମି କଣ ଥିଲା ସେନେଇ ତଦନ୍ତ ଚାଲିଥିବା ପୋଲିସ କହିଛି ।
