ବଲାଙ୍ଗିର, ପାଟଣାଗଡ଼ ଉପଖଣ୍ଡ ଯୋଗିମୁଣ୍ଡା ରେଞ୍ଜର କେନ୍ଦୁପତ୍ର ସିଜନାଲ କର୍ମଚାରୀଙ୍କ ଏକ ଜରୁରୀକାଳୀନ ବୈଠକ ଡୁମେରପଦର ଗ୍ରାମର ପତ୍ରଫଡି ଠରେ ଗତକାଲି ଅନୁଷ୍ଠିତ ହୋଇଯାଇଛି । ଏଥିରେ ଓଡିଶା କେନ୍ଦୁପତ୍ର କର୍ମଚାରୀ ସଂଘର ପାଟଣାଗଡ଼ ଡିଭିଜନର ସଂପାଦକ ଶିବାନନ୍ଦ ପରିଚ୍ଛାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ରେଞ୍ଜ ଅଧିନସ୍ଥ ଖାଲି ପଡିଥିବା ପଦବୀ ପୂରଣ କରିବା ସହ ମୁନସୀ ଓ ଚପରାସୀଙ୍କ କାର୍ଯ୍ୟକାଳ ବୃଦ୍ଧି କରାଇବା ଏବଂ ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା । ଏହି କ୍ରମରେ ପାଟଣାଗଡ଼ ଡିଭିଜନରେ ଥିବା ୮ଟି ରେଞ୍ଜରେ ସଂଗଠନ ପକ୍ଷରୁ ଆଗାମୀ ଦିନରେ ବୈଠକମାନ କରାଯାଇ ଲାଗି ରହିଥିବା ସମସ୍ୟାର ସମାଧାନ କରିବା ପାଇଁ ବିଭାଗୀୟ ଉପରିସ୍ଥ ଅଧିକାରୀଙ୍କୁ ଜଣାଯିବ ବୋଲି ନିଷ୍ପତ୍ତି ନିଆଯାଇଥିଲା ।
ଏହି ବୈଠକରେ ଯୋଗିମୁଣ୍ଡା ରେଞ୍ଜର ସଭାପତି ଦଳପତି ଛତର, ସଂପାଦକ ମନୋଜ କୁମାର ସାହୁ, କାଶୀପ୍ରସାଦ ସାହୁ, ପ୍ରହଲ୍ଲାଦ ମୁଦୁଲି, ବିରଞ୍ଚି ବଗର୍ତ୍ତୀ, ବଳ ଧରୁଆ, ସୁରେଶ ନାଗ, ବାଲ ମୁକୁନ୍ଦ ସାହୁ, ଶିବ ପଟ୍ଟନାୟକ ଉପସ୍ଥିତ ଥିବାବେଳେ ରାମଚରଣ ବରିହା ଧନ୍ୟବାଦ ଅର୍ପଣ କରିଥିଲେ ।
