ସମ୍ବଲପୁର, ବେଆଇନ ମାଦକଦ୍ରବ୍ଯ ଚାଲାଣ ରୋକିବା ପାଇଁ ଜିଲ୍ଲା ପୋଲିସ କଡ଼ା ଆଭିମୁଖ୍ୟ ଗ୍ରହଣ କରିଥିଲେ ମଧ୍ୟ ଏହି ଚାଲାଣ ରୋକିବାର ନା ନେଉନାହିଁ । ସହରରେ ପୋଲିସ ପାଟ୍ରୋଲିଙ୍ଗ ଚାଲିଥିବା ବେଳେ ଅଇଁଠାପାଲି ଥାନା ଡୁଙ୍ଗୁରିପାଲି ସିଙ୍ଗପାଲି ଅଞ୍ଚଳର ପ୍ରକାଶ ବାଗ୍ (୫୦) ଓ କ୍ଷେତରାଜପୁର ବାଲାଜୀ କଲୋନୀର କହ୍ନେୟା କୁମାର (୩୮) ଓଡି୧୫ କ୍ଯୁ ୧୩୨୫ ନମ୍ବର ଏକ ଅଟୋରେ ଗୋଲବଜାର ଛକରୁ ଅଇଁଠାପାଲି ଅଞ୍ଚଳକୁ ମଦ ଚାଲାଣ କରୁଥିଲେ । ଚର୍ଚ୍ଚଛକ ଠାରେ ପାଟ୍ରୋଲିଙ୍ଗ ସ୍ବାର୍ଡ ଅଟୋକୁ ଅଟକାଇ ଯାଞ୍ଚ କରିବାରେ ସେଥିରେ ୧୧୦ ବୋତଲ କିଙ୍ଗଫିସର ବିୟର ଓ ୬୦ ବୋତଲ ହଣ୍ଟର ବିୟର ଥିବା ଦେଖିବାକୁ ମିଳିଥିଲା । ପୋଲିସ ମଦ ସହ ଅଟୋକୁ ଜବତ କରିବା ସହ ଦୁଇ ମଦ ଚାଲାଣ କାଳୀଙ୍କୁ ଗିରଫ କରି କୋର୍ଟ ଚାଲାଣ କରିଛି ।
