ପୁରୀ – ବାଙ୍ଗାଲୋର ଠାରେ ଅନୁଷ୍ଠିତ ଇଣ୍ଡିଆନ ଆଇକନ ଆୱାର୍ଡ଼ ପ୍ରତିଯୋଗିତାରେ ଓଡ଼ିଶାର ଲାବଣ୍ୟା ଦାସ ଏହି ଟିନ୍ ଏଜର ସୁପର ମଡ଼େଲ ସମ୍ମାନ ହାସଲ କରିଛନ୍ତି ବୋଲି ଜଣାଇଛନ୍ତି । ବାଙ୍ଗାଲୋରର ତାଜ୍ ହୋଟେଲ ଠାରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଭାରତର ୫୮ଜଣ ପ୍ରତିଯୋଗୀଙ୍କୁ ପଛରେ ପକାଇ ଓଡ଼ିଶାର ଲାବଣ୍ୟା ଏହି ପୁରସ୍କାର ପାଇଥିଲେ । ବଲିଉଡ଼ ଅଭିନେତ୍ରୀ ଦିୟା ମିର୍ଜା ଲାବଣ୍ୟାଙ୍କୁ ଏହି ପୁରସ୍କାର ପ୍ରଦାନ କରିଥିଲେ । ତାଙ୍କର ଏହି ସଫଳତା ପାଇଁ ଓଡ଼ିଶାର ବିଭିନ୍ନ ସ୍ଥାନରୁ ତାଙ୍କ ପାଖକୁ ସ୍ୱାଗତର ସୁଅ ଛୁଟୁଛି । ସେ ଗତ ମାସରେ ଦୁବାଇ ଠାରେ ଅନୁଷ୍ଠିତ ଜୁନିୟର ମଡ଼େଲ ଇଟଂରନ୍ୟାସନାଲ ପୁରସ୍କାର ପାଇଥିଲେ । ଶ୍ରୀଜଗନ୍ନାଥଙ୍କ ଆର୍ଶିବାଦରୁ ଏହି ପୁରସ୍କାର ମିଳିଛି ବୋଲି ଲାବଣ୍ୟା କହିଛନ୍ତି । ତାଙ୍କୁ ପୁରୀରୁ ଓଡ଼ିଶା ସାମ୍ବାଦିକ ସଂଘ, ବରିଷ୍ଠ ଆଇନଜୀବୀ, ବୁଦ୍ଧିଜୀବୀମାନେ ସ୍ୱାଗତ କରିଛନ୍ତି । ଆଗକୁ ଅନେକ ପୁରସ୍କାର ଓଡ଼ିଶା ପାଇଁ ଆଣନ୍ତୁ ବୋଲି ଜଗନ୍ନାଥଙ୍କ ପାଖରେ ଅକ୍ଷୟ ଅରୁଣସ୍ତମ୍ବ ପାଖରେ ଦୀପ ଜାଳିଛନ୍ତି ।
