ଘସିପୁରା,ହାତୀ ଆକ୍ରମଣରେ ଜଣେ ଗୁରୁତର ହୋଇଥିବା ଜଣାପଡିଛି। ଏପରି ଦୁଃଖଦ ଘଟଣା ସାମ୍ନାକୁଆସିଛି କେନ୍ଦୁଝର ଜିଲ୍ଲା ଆନନ୍ଦପୁର ବନଖଣ୍ଡ ଅନ୍ତର୍ଗତ ଯୁଗଳକିଶୋରପୁର ଗ୍ରାମରୁ ।
ଆଜି ସକାଳ ସମୟରେ ସେହି ଗ୍ରାମର ରଥ ତନ୍ତ୍ରୀଙ୍କ ପୁଅ ଧନେଶ୍ଵର ତନ୍ତି ନିକଟସ୍ଥ ଜଙ୍ଗଲକୁ ଦାନ୍ତକାଠି ତୋଳିବା ପାଇଁ ଯାଉଥିବା ସମୟରେ ତାଙ୍କୁ ଏକ ଦନ୍ତା ଆକ୍ରମଣ କରିଥିଲା । ଧନେଶ୍ଵର ହାତୀ ଦେଖି ଜୀବନ ବଞ୍ଚାଇବା ପାଇଁ ଜୀବନବିକଳରେ ଧାଇଁଥିଲେ ବି ହାତୀଟି ତାଙ୍କୁ ଶୁଣ୍ଢରେ ଟେକି ନେଇ ତଳେ କଚାଡି ଦେବା ସହିତ ପାଦରେ ଦଳି ଦେଇଥିଲା । ତେବେ ସେହି ସମୟରେ ସ୍ଥାନୀୟ ଲୋକ ପାଟି କରିବାରୁ ହାତୀଟି ଗୁରୁତର ଅବସ୍ଥାରେ ଛାଡ଼ି ଚାଲି ଯାଇଥିଲା । ପାଟିଶୁଣି ଆଖପାଖର ଲୋକେ ଘଟଣାସ୍ଥଳରେ ପହଞ୍ଚି ଗୁରୁତର ଧନେଶ୍ଵରଙ୍କୁ ଉଦ୍ଧାର କରିବା ସହିତ ବନବିଭାଗକୁ ଖବର ଦେଇଥିଲେ । ତେବେ ବନବିଭାଗ ଖବର ପାଇ ସଙ୍ଗେ ସଙ୍ଗେ ଘଟଣାସ୍ଥଳକୁ ଯାଇ ଗୁରୁତରକୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ଆଣି ଚିକିତ୍ସା ବ୍ଯବସ୍ଥା କରିଥିଲେ। ସ୍ଵାସ୍ଥ୍ୟ ଅବସ୍ଥା ଗୁରୁତର ହେବାରୁ ପରେ ତାଙ୍କୁ କଟକ ବଡ଼ମେଡିକାଲକୁ ପଠାଇଥିଲେ ଡାକ୍ତର ।
