ଧର୍ମଶାଳା – ସୁପ୍ରିମକୋର୍ଟର ବରିଷ୍ଠ ଆଇନଜିବୀ, ଅଖିଳ ଭାରତ ଆଇନଜିବୀ ପରିଷଦର ପୂର୍ବତନ ଅଧ୍ୟକ୍ଷ ତଥା ପୂର୍ବତନ କେନ୍ଦ୍ର ଆଇନମନ୍ତ୍ରୀ ସ୍ୱର୍ଗତ ରାମ୍ ଜେଠମାଲାନୀଙ୍କ ପରଲୋକରେ ଯାଜପୁର ଜିଲା ଚଣ୍ଡିଖୋଲ କୋର୍ଟ ବାର୍ ଆସୋସିଏସନ ପକ୍ଷରୁ ଗଭୀର ଶୋକ ପ୍ରକାଶ କରାଯିବା ସହିତ ଶ୍ରଦ୍ଧଞ୍ଜଳୀ ଅର୍ପଣ କରାଯାଇଛି । ଏହି ଅବସରରେ ଆଜି ବାର୍ ରୁମ୍ ପରିସରରେ ଏକ ଶ୍ରଦ୍ଧଞ୍ଜଳୀ ସଭା ସଭାପତି ଜନ୍ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି ।
ଏହି ସଭାରେ କୋର୍ଟର ସବ୍ ଜର୍ଜ ବିଷ୍ଣୁ ପ୍ରସାଦ ମିଶ୍ର ଓ ଜେଏମଏଫସି ଇପସିତା ମହାନ୍ତିଙ୍କ ସମତେ ସମସ୍ତ ଆଇନଜୀବୀ ଯୋଗ ଦେଇ ସ୍ୱର୍ଗତ ଜେଠମାଲାନୀଙ୍କ ଉଦ୍ଦେଶ୍ୟରେ ସ୍ମୃତିଚାରଣ କରିବା ସହିତ ଶ୍ରଦ୍ଧଞ୍ଜଳୀ ଅର୍ପଣ କରିଥିଲେ । ପରିଶେଷରେ ବାର ଆସୋସିଏସନର ସର୍ବସମ୍ମତିକ୍ରମେ ଜେଠମାଲାନୀଙ୍କ ଉଦ୍ଦେଶ୍ୟରେ ଆଜି ଦିବସର ଦ୍ୱିତୀୟାର୍ଦ୍ଧରେ କୋର୍ଟ କାର୍ଯ୍ୟ ବନ୍ଦ ରଖାଯାଇଥିଲା ।
