ଭଞ୍ଜନଗର – ଭଞ୍ଜନଗର ଆମ ପୋଲିସ ସମିତି ତରଫରୁ ଉପାନ୍ତ ଅଞ୍ଚଳ ବାଇବାଲି ଠାରେ ଅନ୍ଧ ବିଶ୍ୱାସ, କୁସଂସ୍କାର, ଭୁତ ପ୍ରେତ, ଗୁଣି ଗାରେଡି ପ୍ରତି ବିଶ୍ୱାସ ନକରି ତାଠାରୁ ଦୁରେଇ ରହିବାକୁ ସ୍ଥାନୀୟ ଲୋକଙ୍କୁ ସଚେତନ କରାଯାଇଥିଲା l ଏହା ଦ୍ୱାରା ବହୁ ମୂଲ୍ୟବାନ ଜୀବନ ନଷ୍ଟ ହେବା ଓ ନିଜର ସମସ୍ତ ସମ୍ପତ୍ତି ଶେଷ ହେବା ସହ ଆଇନ ଜାଲରେ ଛନ୍ଦି ହୋଇ ଜୀବନ ଦୁର୍ବିସହ ପାଲଟି ଯାଉଛି l ବିଜ୍ଞାନ ଯୁଗରେ ସେସବୁ ର ମାନେ କିଛି ନାହିଁ ବୋଲି ଅତିଥି ମାନେ କହିଥିଲେ l ଏହି କାର୍ଯ୍ୟକ୍ରମ ରେ ଭଞ୍ଜନଗର ତହସିଲଦାର ଦିନ ମଣି ନାୟକ, ଥାନା ଅଧିକାରୀ ସୁଦୀପ୍ତ କୁମାର ସାହୁ, କୃତିବାସ ବିଶ୍ୱାଳ, ଅନ୍ତର୍ଜାମି ତ୍ରିପାଠୀ, ଅମରନାଥ ରଥ, ଜଗଦୀଶ ପାଣିଗ୍ରାହୀ, ଲୋକନାଥ କର ନିଜର ମତାମତ ଦେଇଥିଲେ l ଅନୁପମ ବାନାର୍ଜୀ ସଂଯୋଜନା ଓ ସୁଶାନ୍ତ ମହାପାତ୍ର ଧନ୍ୟବାଦ ଦେଇଥିଲେ l ସବ ଇନ୍ସପେକ୍ଟର ନିରଞ୍ଜନ ଦାଶ, ଲିତା ରାଣୀ ପରିଡା, ସମୀର ବେହେରା ଓ ଅନ୍ୟ ପୋଲିସ କର୍ମଚାରୀମାନେ ଏଥିରେ ସହଯୋଗ କରିଥିଲେ l
