କନ୍ଧମାଳ – ଫୁଲବାଣୀ କେନ୍ଦ୍ରୀୟ ବିଦ୍ୟାଳୟର ଭାରତ ସ୍କାଉଟ ଏବଂ ଗାଇଡ଼ ୟୁନିଟି ଦ୍ୱାରା ଗୁରୁବାର ଦିନ ପତକା ଦିବସ ପାଳିତ ହୋଇଯାଇଛି । ସ୍କାଉଟ ଏବଂ ଗାଇଡ଼ର ସେବା ଏବଂ ମାନବ ସମାଜ ପାଇଁ ଉତ୍ସର୍ଗୀକୃତ ଭାବନାକୁ ଜାଗ୍ରତ କରିବାକୁ ନେଇ ଏହି ଦିବସ ପାଳନ କରାଯାଇଥାଏ । ଏହି କାର୍ଯ୍ୟକ୍ରମରେ ଛାତ୍ର ଛାତ୍ରୀମାନେ ଅଂଶ ଗ୍ରହଣ କରି ବିଦ୍ୟାଳୟ ପରିଷରକୁ ସଫା କରିଥିଲେ । ସ୍କୁଲର ଅଧକ୍ଷ ଶଙ୍କର୍ଷଣ ନାୟକ ଛାତ୍ର ଛାତ୍ରୀମାନଙ୍କୁ ଉଦ୍ବୋଧନ ଦେଇ ସ୍କାଉଟ ଏବଂ ଗାଇଡ଼ ଅଭିଯାନକୁ ଆହୁରି ବ୍ୟାପକ କରିବା ପାଇଁ ଉତ୍ସାହିତ କରିଥିଲେ । ସ୍କାଉଟ ଏବଂ ଗାଇଡ଼ ଶିକ୍ଷକ ବି.ଶଶିକଳା, ପ୍ରଶାନ୍ତ କୁମାର ମହାପାତ୍ର ଏବଂ ଜିତେନ୍ଦ୍ର ସିଂ ସ୍କାଉଟ ପତକା ପ୍ରଦାନ କରିଥିଲେ । ଅନ୍ୟ ଶିକ୍ଷକ ଓ ଶିକ୍ଷୟତ୍ରୀମାନେ ଏହି କାର୍ଯ୍ୟକ୍ରମକୁ ସହଯୋଗ କରିଥିଲେ ।
