ଭଦ୍ରକ – ଗତକାଲି ବିଳମ୍ବିତ ରାତ୍ରରେ ଭଦ୍ରକ ଗ୍ରାମାଞ୍ଚଳ ଥାନା ଅଧିନ ରାନ୍ଦିଆ ପଞ୍ଚାୟତ କୋରଣ୍ଟ ଗ୍ରାମର ଦିପ୍ତରଞ୍ଜନ ଜେନା(୨୦) ଓ ଅନ୍ୟମାନେ ଗଣିଜାଙ୍ଗ ଠାରେ ·ଲିଥିବା କାଳୀପୂଜା ଦେଖିବାକୁ ଯାଇଥିଲେ । ଦିପ୍ତିରଞ୍ଜନ ତାଙ୍କ ସାଙ୍ଗଙ୍କ ସହ ସେଠାରୁ ବାଇକରେ ଫେରୁଥିବା ବେଳେ ବରପଦା କପାସିଆଛକ ଠାରେ ଦୁର୍ଘଟଣା ର ସମ୍ମୁଖୀନ ହୋଇ ଥିଲେ । ଏଥିରେ ଦିପ୍ତରଞ୍ଜନଙ୍କ ମଥା, ହାତ ଗୁରୁତର ଆଘାତପ୍ରାପ୍ତ ହୋଇ ରକ୍ତ ଜୁଡ଼ୁବୁଡ଼ ହୋଇ ରାସ୍ତାରେ ପଡ଼ିଥିଲେ । ଉକ୍ତ ସମୟରେ ଗଣିଜାଙ୍ଗରୁ କାଳିପୂଜାର ସାଂସ୍କୃତିକ କାର୍ଯ୍ୟକ୍ରମ ସାରି ଫେରୁଥିବା ଏଏସପି ବିକାଶ ଦାସ ଗୁରୁତର ଦିପ୍ତିଙ୍କ ସହିତ ଅନ୍ୟ ୨ ଆହତଙ୍କୁ ନିଜ ଗାଡ଼ିରେ ଭଦ୍ରକ ମେଡ଼ିକାଲ ନେଇ ଚିକିତ୍ସା କରାଇଥିଲେ । ଏଏସପିଙ୍କ ଏତାଦୃଶ କାର୍ଯ୍ୟକୁ ଜିଲ୍ଲାବାସୀ ପ୍ରଶଂସା କରିଛନ୍ତି ।
