ଭଦ୍ରକ – ଆଜି ଏହି ଜିଲାର ଚାନ୍ଦବାଲି ବ୍ଲକ୍ ଅଧୀନସ୍ଥ ବଡଓସ୍ତିଆ ପଂଚାୟତର ଜନୈକା ନାବାଳିକା ଛାତ୍ରୀ ତା ଭାଇ ସହ ଚାନ୍ଦବାଲିରୁ ଯାତ୍ରା ଦେଖି ଫେରୁଥିବାବେଳେ ଚାରିଜଣ ଯୁବକ ଗଣଦୁଷ୍କର୍ମ କରିଛନ୍ତି । ପ୍ରାପ୍ତ ଖବରରୁ ଯାହା ଜଣାଯାଏ ସଂପୃକ୍ତ ଛାତ୍ରୀଟି ନିଜ ଭାଇ ସହ ଚାନ୍ଦବାଲି କାଳୀପୂଜାରୁ ଯାତ୍ରା ଦେଖି ଫେରୁଥିବାବେଳେ ଚାନ୍ଦବାଲି କଲେଜ ରୋଡ୍ ଫାୟାର ଷ୍ଟେସନ ନିକଟରେ ଚାରିଜଣ ଯୁବକ ତାଙ୍କ ଭାଇକୁ ମାଡମାରି ତାକୁ ଟେକିନେଇ ଗଣଦୁଷ୍କର୍ମ କରିଥିଲେ । ଛାତ୍ରୀ ଜଣକ ଚିତ୍କାର କରିବାରୁ ଯାତ୍ରାରୁ ଫେରୁଥିବା ଲୋକମାନେ ଘଟଣାସ୍ଥଳରେ ପହଂଚି ଯିବାରୁ ଅଭିଯୁକ୍ତମାନେ ଏକ ମୋଟର ସାଇକେଲ୍ରେ ଫେରାର ହୋଇଯାଇଥିଲେ । ତେବେ ଜଣେ ଅଭିଯୁକ୍ତକୁ ସ୍ଥାନୀୟ ଲୋକେ ଧରିବାରେ ସକ୍ଷମ ହୋଇଥିଲେ । ଏବଂ ତାକୁ ଟେଲିଫୋନ୍ ଖୁଣ୍ଟରେ ବାନ୍ଧି ନିର୍ଦ୍ଦୁମ୍ ଛେଚିଥିଲେ । ଲୋକଙ୍କ ଠାରୁ ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ôଚ ଅଭିଯୁକ୍ତ ଯୁବକକୁ ଗ୍ରାମବାସୀଙ୍କ ଠାରୁ ଉଦ୍ଧାର ଥାନାକୁ ଆଣିବା ସହ ତଦନ୍ତ ଜାରି ରଖିଛି ।
